今年渣打半馬，報名時未有明確目標，只是想在Davao 70.3前，測試一下自己的跑步能力回復到什麼水平。直至去年12月Dashing 半馬挑戰賽前自己跑了一次1:57:58，覺得進度不錯，便定下了1:50:0內完成的目標。

這個目標除了覺得這是可達到外，還因為想取得明年優先報名的名額，老實說，這才是最大的動力。但其實我的年齡組別，要取得優先報名名額，1:52:0便足夠，所以練習過程內心並沒有傾盡全力的志向。

農曆年期間，聽從了魔鬼的說話：”休息週，又係農曆年，以現時狀態，只要tapering做得好，1:52完成半馬，無難度啦。難得假期，唔想跑就唔好跑，比自己抖下，同小黑玩下仲好啦！＂

賽前兩星期，又聽了魔鬼說：＂得返2個星期，之前仲踩左咁多車，其實耐力同力量都夠架啦。你知你啦，年紀大，恢復慢，要抖多D呀。1:52無問題架啦!＂

結果賽前兩星期，分別每週總里數是24.65K和 15.4K。比賽資料沒有多看，地鐵站那個出口才對也沒有搞清楚。

起跑線前，魔鬼又說：＂死啦，腳軟喎，都係跑慢Ｄ啦。＂

天使在督促：＂今日目標係1:50，5”10披就1:48:xx，即係中間有空間慢少少既，但都要記住係5”10”

魔鬼反抗：”咩5”10呀，5”15都夠攞優先報名架啦! 你睇下，佢無信心呀，又腳軟，又緊張，放過佢啦，你係咪又想佢操唔返呀！＂

天使重復：＂記住拎起腳，再放落地呢種跑法，咁就可以輕鬆5”，星期二做過架啦，你做到架，依家係5”10，其實好輕鬆!”

3!2!1! 開始! 專心動作，留意配速，在比賽的氣氛下，一定會比預期快，這時年少的我說：”4”47，好輕鬆喎，係咪可以上望５分披完成呀？或者以５＂披完成頭10K呀!”

老練的我說: “唔可以，頭段係人都輕鬆，千其唔好快，唔好理人，收番慢，只需5分10!”

肌肉指揮官: “收慢，但唔係落brake，保持節奏、跑姿的情況下收慢＂

年少的我、老練的我及肌肉指揮官就這樣溝通了13K，至西隧，首次超出5”10的目標，肌肉指揮官:”慢左，做返好個動作！＂

15K，魔鬼又走出來: “5”37!!都話唔得架啦，爆啦！＂

老練的我說:＂唔好放棄，前段賺左少少的，有時間，1K僈左當抖下，無問題的。記住我地係以技術取勝，留心做好跑姿。＂

肌肉指揮官：＂已經留意左，但好似做唔番個節奏同動作，可能真係太攰啦，同比Ｄ上落斜打亂左，協調唔返＂

老練的我：＂唔緊要，咁用番我地比較熟習，最唔用力的跑法，細步幅，高頻率。＂

肌肉指揮官：＂好！試下＂

18-20K，魔鬼又出現：＂睇下，上唔返啦，放棄啦，1:52夠架啦!:

最後1K，望望錶，天使：＂唔係喎，仲有５分多Ｄ，跑到架喎，衝啦！＂

最尾1K，4”53，本來可以1:50內的，但原來多了200M (不只我的錶，大部份人的錶也顯示多了200M)，結果1:50:12 完成 (5”09披)。

比賽過程就是有這麼多的自己在說話，目標感强的或意志堅定的，天使會勝出。而常被魔鬼打敗的，可以檢討一下比賽過程中，腦海發生了什麼事。如何改變自我對話，以致有截然不同的表現，其實平時也可以練習。

總括今次比賽，2個月，半馬快了7分鐘，應該滿意的。繼續努力，我真心相信我會再一次PB的，我相信！