經歷咗4日不停跑，今日終於停一下休一休腳等隻腳回氣，亦都可以停落黎寫返運動筆記環島跑香港站x EP Virtual Challenge 第二屆。

          等到月中工作忙碌完可以放個長假期就準備另一個 艱辛挑戰，10月17日星期六今天我張會有兩個挑戰第一係香港環島跑及EP Virtual Challenge, 今日我選擇了由鰂魚涌海濱出發因為近我自己跑完一圈之後可以就咁行返屋企，早上7點起身梳洗去食埋早餐跟住係海濱附近公園拉筋及動態伸展，當準備好出發時點知作肚痛好彩公園有廁所，好喇放底心頭大石可以出發喇。

          由鰂魚涌出發第一站打卡位係位於銅鑼灣怡和午炮，途經北角新落成海濱都好靚，希望計劃緊新海濱長廊可以快啲起好，到時就唔須要跑入位於炮台山城市花園及和富，雖然會經過位於油街一所二級歷史建築現在係藝術廊，要跑入內街車多行人路窄都唔係咁好，所以快啲起好到時唔洗跑入內街就更正。

          過咗炮台山去到天后就轉返出銅鑼灣避風塘，開始可以一直沿住海邊跑喇，避風塘呢段路之前都擴闊過黎好寬敞，到達午炮位緊係要打卡先喇，影完就起步去第二站上環孫中山先生像，離開午炮要屈入 遊艇會經紅隧入口出返灣仔碼頭，灣仔碼頭呢段路又係一個其實期待佢快啲起好位置可以跑得更加暢通，經過會展金紫荊過埋動漫海濱公園去到早前開放新起好連接中環海濱新路，新海濱沿途有小裝飾及擺設for人打卡，好似定期都會更換主題今次見到係有關萬聖節有關公仔及一啲迷你擺設都幾特別。 

          向一座遠處望似少輪跑過去，當到達時就變了巨輪，現在已經可以算地香港一個地標摩天輪，跑入中環港內線碼頭途經一個又一個碼頭出入口，在到達上環港澳碼頭進入上環海濱公園，去到中山紀念公園中心位置大草地，草場上樹立了孫中山先生銅像呢刻緊係打卡先，當我打卡之際咁啱有位跑友同我一樣動作，好羅終於有同路人感覺無咁孤獨，同孫中山先生影完相就出發去第三站數碼港商場。

           經過了中西區海濱長廊我身邊閃出了一個身影，他就是.... 剛剛巧遇嘅同路人，滿心歡喜因為有人同我一齊做緊同一樣野，虛擬賽同實體賽嘅分別之處之一，到左西環海旁大家都不其自然攞出電話睇路線點走，進入域多利道我都係一直跟住佢跑，當去到一個位置要V字屈落去大口環道佢就過左龍佢望返轉頭我比個信息佢係呢到轉落去，跟住我就一路跑到數碼港商場，到達咗我就入去超級市場補給先，係商場門口休息一陣入好飲品行前啲打埋卡就出發下一站。    

            沿住數碼港海濱公園跑經貝沙灣上返域多利道落返華富邨見返之前一齊跑師兄，大家都攞住個電話 羅更?睇住黎跑，去到田灣海旁道又同佢相隔了，我繼續跑穿插香港仔魚類批發市場及碼頭，香港仔海濱有觀光舢舨擺放咗戶外比人打卡同埋介紹香港仔曆史，過左舢舨經過埋橋仔就去到香葉徑喇，向前一條直路去就到達海洋公園，到達人多地方都係帶返好個口罩先上去門口打卡，影好相落返去又見返師兄到達了?。 

             離開海洋公園出發去下一站赤柱美利樓，經香島道落去苗鍾徑，我第一次跑苗鍾徑好靚好舒服，跑下跑下就到咗深水灣沙灘跟住沿香島道跑一小段右手邊落麗海堤岸路，大鄉里嘅我都係第一次跑呢段麗海堤岸路，同頭先苗鍾徑比呢段仲正，平時真係可以帶小朋友黎行下又可以玩下水，又深水灣經麗海堤岸路去淺水灣全長都係1.5公里，到達淺水灣我就去7仔補給及休息一陣，坐左係沙灘上面櫈到係背囊攞準備了嘅午餐飯團望住個海灘品嘗飯團及可樂?，飲飽食醉就要起步喇，離開海灘上南灣道跑一段路又見返個師兄，見佢好似跑過左咁我就急急攞出羅更望望先，原來要過對面馬路有個山徑入口上山，同位師兄打個招呼及問下佢係唔係打算一日完成，原來佢去到赤柱就收工了，為佢打打氣我又加快腳步前進，呢段穿返上淺水灣路落去舂磡角道，說說時那時快就到轉入赤柱馬坑公園，要係公園木板樓梯穿黎穿去不知幾擔心行錯路，呢個位有啲迷宮感覺逃出了到達美利樓喇人多了帶返個罩先，打完卡就跑去買個冰凍椰青飲?，唔洗1分鐘我就飲晒成個椰青，老闆娘望住我好似好飢渴咁?，人太多快快走人去下一站大潭篤水塘石橋。   

            沿住赤柱灘道上大潭道在轉上老虎山引水道，呢段引水道我自己就好熟識，因為港島山路練長課我就一定會經過呢段路去大潭郊野公園南門作補給，呢段引水道好舒服有樹陰唔會曝曬，去到南門口入緊係小休補給及去個廁所先喇，洗個面出發去石橋GoGo ，到達石橋眼望前面有兩位小女都好似都係環島跑見到佢手攞住野打卡，同路人孤獨感又無咁重喇，我都打完卡起步去下一站龍脊。

            大潭郊野公園係我經常練山路一定經過，有種回家感覺，可惜我現在仲兩位未打卡不能回家住，沿大潭水塘道轉入港島徑第6段，第6段本來有個出名地標潭崗飛瀑，現時只可以係上游望下游已經封了，可能疫情關係太多人係果到打卡野餐戲水，到大馬路到進入港島徑第7段好長嘅引水道，呢段路最期待係去到土地灣香港雙體帆船會士多飲氣水，雖然係貴左啲不過都要比，夏天跑呢段路就知道有幾咁痛苦所以貴啲都比呀！飲完爽快完就上樓梯去龍脊喇，一級一級咁上上到石澳道就過對面馬路上港島徑第8段，進入最後階段樓梯喇?，上吧！！上到頂轉入一路了?到達龍脊路牌喇打卡繼續去下一站，最後一站小西灣運動場！   

 土地灣士多

           離開龍脊路牌一直沿山徑跑，行下跑下後面有師兄師姐過了我，又燃點起我團火我跟，加快腳步追呀終於追到喇！佢地停底左攞山水補給，我就繼續努力跑落去，去第8段有個廁所位見之前幾位師兄係到休息，有位師兄為我打打氣，加油！！簡單一句打氣太上力喇！Go!!! 跑到砵甸乍山徑中段佢地又追過我了，去到上斜佢地收晒步我就上，原來佢地成隊人玩環島真開心呀?，上到頂就衝落去龍躍徑跑去小西灣運動場，我每星期都會黎呢到返跑班場地，最後一站到達喇打卡先，跟住就沿柴灣工業城跑去柴灣公園經天橋穿過東區走廊，上到東區醫院就轉上柴灣長命斜路，跑落去轉入阿公岩道穿出去 筲箕灣海濱，呢段路平時跑得最多嘅路線，放慢腳步放輕心情慢慢跑埋最後呢3公里路程，到達北角警署對出海邊橋底就完成了環港島跑了，當我步行返屋企有師兄跑到黎問我停喇，我話我係係呢到起步所以係呢到完喇，我為佢打打氣加油呀！！真係完喇！！！    

今日EP Virtual Challenge做到EP值環島跑咗63K=63EP攀升988M=10EP 總數73EP

有關EP Virtual Challenge請按我 第二屆比賽仲有9日嘅經歷會另一篇網誌記載.

再次多謝大會安排左一場咁好玩虛擬比賽給大家玩.