有關Day1請按我

Day2 

沉日跑完運動筆記環島跑香港站63k攀升988m，今日又要繼續努力挑戰EP，好彩山腳離自己屋企近可以返去作大補給再上山，細補就係山腳有士多，早上9點就起步jog上白波路程4.5k攀升500m落返山就有14EP一轉，時間用左1小時15分鐘，頭兩轉用咗2個半鐘，但係去到第二轉落山隻腳開始有唔妥，經過沉日一戰隻左腳前脛肌應該拉傷咗，加上左腳鞋帶索得緊得制壓住踝關節肌肉，經過沉日跑左成日加埋早上上落山加劇傷勢?，唉.....中午12點買飯返屋企食及換對鞋再上山，2點鐘再係山腳上白波，頭先休息左一陣換埋鞋感覺上山都好啲落山要就住跑下行下，下午做左一轉白波來回第二轉隻腳又痛要用pole上山，去到3轉落山係跑唔到只可以行，再次上山去到1K真係要停隻腳頂唔到?，返屋企處理下隻腳早啲休息回好氣聽日再接再厲，今日用咗時間7:44:40跑行48k攀升2616m合共74EP，今日排名第12位。

Day3

今日繼續努力儲EP回一回氣比自己多啲時間休息，中午接完阿女放學食埋野先起步，今日著對asics metaracer Tokyo 好似跑得舒服咗，用輕鬆pacing6:30跑左40k，每10K休息下等隻腳回一回，用左4小35分跑完40k，食完晚飯再換鞋試下會否會在好啲，選擇咗nike zoom fly3點知跑到一半踝關節開始痛，最後10K要收工痛到要停?，今日用咗5:15:00 跑咗50K攀升376m合共54EP，經過3日又20名追到現在第十名真係唔容易今日排名第10位喇。

Day4

黎到第4日今日隻腳傷未好返即刻減少量，早上跑咗18k中午早咗返運動場跑咗13k，跟住夜晚上跑班同教練講今晚要自修因為有傷，全晚都係自己慢jog圈，跑下停下噴下止痛噴霧又再jog下，停底休息時阿sir提點我多啲敷冰及著壓力襪，今日EP真係唔算高，真係要好好養好隻腳唔係黎緊6日點算，隊友今日EP靠你喇??，今日用咗04:05:45 跑咗37. 8k攀升127合共39EP，今日排名第8名升咗2位。

Day5

黎到第5日今日要去睇醫生喇，接完阿女放學食埋晏就去睇跌打，今次卒隻腳真係叫晒出黎痛到標眼水，卒完敷5小時藥，睇完醫生就去買壓力襪，雖然休腳點都要交功課，食完晚飯拆咗藥膏著壓力襪行返一轉白波搵陳仔，對襪真係有用加上卒完輕鬆行完成，用咗03:17:52行咗18k攀升706m合共25EP，今日排名跌返落第10名。

Day6

第6日帶著傷都要頂落去，用另一個種方法舒服去做EP，選擇行山先行1k攀升100m係咁來回，因為唔想隻腳用同一組肌肉太耐，可以短時間轉換肌肉等隻腳壓力無咁大，loop咗一個早上要去接阿女放學順便休息食飯，敷完冰又著返鞋襪再上山loop，今次選擇行上啲1.5k攀升有125m上到柏架山第一燒烤區觀景台，loop到6點就返屋企休息食晚飯，又敷完冰再次起步上山loop，大約行咗1個鐘多啲就返屋企休息比隻腳多啲時間回氣，敷冰卒藥膏貼膏貼拉根不可缺少，用咗08:45:30 行咗47. 3k攀升2508m合共72EP，今日排名上升返第9名。

Day7

黎到第7日早上跟沉日策略差唔多，先行上1.5k攀升125m位置，再選擇上大風坳3k攀升300m，兩短一長慢慢loop，終於loop到撞到有人同我一樣儲緊EP，大家loop黎loop去唔係我上就佢落，就係食晚飯前果一轉就係大風坳相遇，係條孤獨寂寞跑道上忝了一點喜悅，有人一齊跑吹下水落山時間係快啲過，今日早午晚3轉都返屋企休息敷冰，繼續養腳唔好惡化仲有3日呀！！！！用咗10:17:07行咗63. 1k攀升3131m合共94EP，今日排名上升去到第7名喇，真係唔簡單，隊友都好努力做EP，佢要返工所以有限度咁做，頂住呀！！！

                         柏架山小隊(最強步兵)

Day8

今日公眾假期第一日阿女唔洗返學，我就訓晏咗少少，不過都係要早8點鐘起身梳洗食早餐準備埋比阿女同老婆就繼續努力上山做EP，今日行山嘅人多咗好多要左穿右插，當上到一半路程見到有位師姐衝落黎，心諗我都好想好似佢咁衝，可惜隻腳仲未好返?，再用比行路快啲嘅速度上山，行行下見到沉日一齊loop EP同路人Samuel 同埋佢隊友Calvin大家打個招呼互相打打氣繼續各自努力，早上做咗30EP就休息食飯先，繼續敷冰等隻腳回氣，下午都係帶埋pole用，中午決定直接上大風坳做來回，上到差不多到達大風坳又見到Samuel, Calvin及早上衝落果位師姐Ling，之後我落返山時追到佢地可以一齊loop喇，同calvin一路行一路傾計話咁快又上到大風坳，今日好彩有人陪，大家同一目標，雖然係對手仲要係係我排名之上，大家都互雙鼓勵齊上齊落，到最後我地4個都變成（柏架小隊）最強步兵? foodpanda 都唔夠我地黎?，大家都loop到唔清醒唔知loop左幾多轉大風坳?，到最後2300我同calvin都做夠數差samuel最後2K陪埋佢做埋大家先收工，今日排名無變到都係第7位，用咗11:10:03行咗67k攀升3634m合共103EP，今日終於單日破100EP?，返到屋企第一時間敷冰先，之後沖完涼就碌滾輪卒藥膏拉根貼藥膏失一不可，今日同隊友都有keep住whatapp佢係飛鵝山loop緊，佢又沉晚零晨已經開始做EP，佢都好努力好勁做咗100EP??。

Day9

今日開始同沉日一樣，不過選擇直接上白波，上兩轉就可以有30EP隻腳應該應付到之後可以休息食飯，上到差不多到大風坳就見到samuel打個招呼打打氣，我繼續上佢就繼續落，去到白波半程見到阿Ling同埋第一次見佢隊友行緊落黎，大家互雙打氣繼續行，做完一轉終於見到calvin到咗打個招呼，今日4人小隊又多咗一個真係熱鬧呀，頭兩轉完成時間快咗唔洗4個鐘用3小時30分，即刻去食飯無選擇返屋企就係快餐店快食，半個鐘食完休息一陣就起步，唔想loop太夜想早啲做夠100Ep就回家，日頭大家都各自係到上上落落，無機會一齊loop但係見到對方都會打打氣，下午上咗3轉白波加埋個早上合共5轉，7點喇即係去買外賣返屋企食同埋要敷冰，做咗5轉白波真係好金太斜喇，所以一定要敷冰唔係驚等夜晚頂唔到，同隊友溝通咗我今晚會過扎山道係佢車到過夜，聽日可以早啲起身作最後衝刺，因為佢今晚收工就會係扎山道開始通宵loop追返今日返工無乜點做到EP數，我地目標係守住第7名，敷完冰休息完就上山夜晚走3轉大風坳就夠數唔上白波減輕下隻腳壓力，去到11點我做夠數收工撞到Samuel，我問佢夠數未佢話仲未加油呀！我要 趕住過扎山道拜拜先，同順便問埋佢聽日會過扎山道想係果到見到大家作最後衝刺，佢話訓醒先諗?，我快快返屋企梳洗執好行裝就出門口過去搵隊友，今日用咗12:04:41距離65. 8公里攀升3606m合共102EP可以守到第7名??

Day10

終於第10日，前一晚係大風坳loop 到2300即係去買個麥當勞食屋企食梳洗，跟住就執好行裝出發去扎山道係朋友車訓方便今日起步，點知好多電單車友夜晚上山吹水，攪到我訓得果一個鐘到，盡咗力回復體力不過最擔心係隻腳怕回復唔夠，所以都帶晒膏貼噴霧藥劑幫到幾多就幾多，今日目標都係守到名次第7就ok，隊友都好勁沉晚收工冇訓過係咁loop追返前日返左工條數，都係為左要守住名次，早上6:30 好喇我訓唔到就索性同隊友jog落山食早餐賺埋EP，早上唔係好多隊到達現場，去到差不多10點就，陸陸續續到達氣氛愈來愈正感受到比賽感覺，太耐冇實體比賽呢個比賽虛擬得黎又有實體比賽競爭感，係扎山道第十日有個大會設補給站比各參加隊伍各隊作補給用，所以好多隊伍都選擇來作最後衝刺，當係路線上迎面見到大家都會互相打氣加油，玩得呢個比賽都應該受到敬佩，大家都想出唔同方法去點賺EP值，有啲會選擇路跑無攀升，有啲會選擇環島跑環獅子山腳跑劏青蛙跑，我自己都選擇過好多唔同組合加上自己隻腳有傷，到最後幾日都係係鰂魚涌市政上大風坳或白波來來回回好幾日。     

早上同隊友loop到夜晚2230我停喇夠數100ep喇，隊友離開左一陣都返黎完成埋最後5ep?都100ep埋數係第10日我109ep加隊友100守得住名次仲要上到第6??同預期一樣?，完喇呢十日終於完喇熱血完喇腰圍脂肪好似少咗?。

PS. 辛苦老婆呢十日睇住呢條中佬唔知為乜攪到七勞八損，又谷鬼氣我每日跑完返到屋企成條死魚咁，3日假期又走鬼左去，老婆辛苦了，多謝妳??

終結呢10日比賽真係不身難忘，又隊友wahtapp問我有冇興趣參加呢個比賽我二話不說即使答應，人到中年環可以跑想體驗多些自我挑戰一下自己，呢個比賽唔係鬥邊一隊跑得快，係考你10日裡面點樣做得多EP值，計算EP方法跑10K有10EP攀升1000m有10EP，有人會選擇跑平路有啲會選擇跑1K攀升100m係咁來回跑，我自己就第一日跑左環島先第二日試跑山，點知隻腳未回復好我就比太大壓力佢整傷咗，心情簡值係跌落谷底，但係都唔可以放棄不斷想唔同方法去做EP，堅持信自己可以做到的咬緊牙關去做，真係考試你幾有耐力同身體回復能力，到最後同隊友一齊堅持到底精神進升第6名位置，盡晒力喇??多謝RMAC兩位教練越野跑Wilson?長跑Ivan?教導

         第二日早餐終於可以安安樂樂咁食喇!

                可以係聰sir手上接過獎品??

                   100EP完成獎牌好靚??