望住今日嘅天就諗起沉日嘅淒美!

休息咗一晚今日先寫吓沉日挑戰由運動筆記環島跑挑戰，成個挑戰份4個站第一站九龍第二站香港島第三站新界第4站大嶼山，早上0900食完早餐選擇搭巴士落灣仔碼頭坐船過尖沙咀碼頭因為起點就係鐘樓，當巴士去到銅鑼灣開始落大雨望住個天心安慰自己過雲雨你嚇我唔到嘅 去到灣仔碼頭果然停晒雨滿懷安慰行去碼頭搭船過尖沙咀鐘樓，到達了就去7仔買水及運動飲品作準備行去鐘樓停底入水及拉根同埋最重要係要攞印好咗個人嘅碼布出黎打卡先，因為呢次挑戰係要係路線中主辦指定位置代表性建築及地點攞住號碼布拍照先代表你到過，同埋今次我會用運動相機拍底過程，一切準備好就起步今日九龍站總里數係50公里總攀升大概1300米，開跑時個天開始有微微雨但望過去港島就有太陽雨雲呀雨雲唔好追住我喇，雨點越來越大之際眼前有迷網究竟前路係一直跑定係跑上橋停底開個app追蹤一下路線，個天真係對我好突然送我大雨水好彩後面有行人天橋過去避雨及睇清楚路線，雖然我已經下載咗大會提供GPS路線落手錶但係錶唔會高智能到會提我呢個位置係上橋定直跑九龍我真係唔熟路睇清楚之後係上橋好吧GoGo，沿住橋跑到去紅磡海濱長廊天氣時大雨時細雨已經唔理佢有幾大雨因為點都係濕有雨都算跑得舒服，跑呀跑就黎去到第二個打卡位土瓜灣海濱公園嘅海心亭跑跑下唔對路隻錶嘅路線一直去唔多似會去海濱即刻停底又要開app睇，唉... 點解strava路線路同viewRanger兩者有出入睇住電話跟個viewGPS路線終於到達海心亭打完卡繼續起行，真心完全未黎過呢一帶所以真係唔識路本心隻錶都裝咗大會提供GPS路線路會太迷路好彩有兩手準備繼續我嘅路程向第三點出發鯉魚門，去到啟德時個天氣轉好出太陽終於可以感受一吓陽光去到觀塘海濱長廊個天色都唔錯，第一次跑觀塘海濱感覺唔係咁好成個海邊都係用木地板同鰂魚涌海濱頭段一樣點解會咁講，因為木板經過日曬雨淋會變型當你跑到一塊翹起咗木板真係有機會做成意外所以跑鰂魚涌海濱木板果段路我都會多加小心。過左觀塘去到油塘全程最惡劣空氣地點因為會經過沙泥廠及有好多貨車泥頭車係呢段路出入,所以都危險加上行人路都行唔到只可以同啲車供存都係加快腳步逃離該處，到達鯉魚門門牌打番張卡先去對面7仔補給買左兩條蕉及補給番飲品，好彩門口有張櫈可以坐底休息食蕉補給整裝待發又要準備出發下一站將軍澳單車館。

早上跑咗一大段平路係時候要上山喇，由鯉魚門開始沿住茶果嶺道上高超道再入澳景路之後轉入山路上調景嶺獅子亭再行去調景嶺配水庫落翠嶺路已經踏入調景嶺區向單車館去，當我跑到去將軍澳海濱又開始落起雨黎雨勢都唔細，一個早上就經歷了涼，微風，微雨，大雨，太陽，陰天，清涼，大雨真係唔識形容感受，到達單車館感覺呢到氣氛好正隔離就係運動場跑到單車館門口打卡完又要起行向下一站將軍澳小夏威夷瀑布 。 

離開單車館跑到一段路時又黎迷網時候喇跟住錶路線入隧道GPS收唔到道上隧道收到跟住跑200m話錯方向都係出動電話apps時候睇睇搵番啱方向跑番轉頭原來要過對面馬路丁丁丁好似無位過對再望遠啲先見到有個位=_=!!, 橫掂都開咗個apps睇吓去瀑布條路係點走，過咗馬路之後一直跑要留意右手邊有個路口上山，跑到山腳差啲過咗龍GPS慢左加上個位真係唔係太起眼，黎到呢刻已經跑左25公里成程路一半,好喇開始上山面前嘅樓梯唔知有幾長完全未行過只可以默默咁樣向上行，係呢一刻心裡面有一個念頭千其唔好落雨因為上山落大雨真係好濕滯加上今日我係著路跑鞋，真係好衰唔衰講中左就黎開始落雨好彩唔大繼續前進差不多到達之際突然好大雨仲有雷聲不過無閃，去到瀑布係密實袋攞部電話出黎打卡係咁解唔到鎖因為手指濕個mon又濕幾經辛苦先解到開個影相功能咋咋臨影完走人向下一站慈雲山法藏寺出發，難開瀑布一路上山雨勢時大時細好彩無再打雷走出山路去到白石窩村衛奕信徑第4段起點去士多補給，係個村到個涼亭休息補給飲品起步之際大雨又黎搵我喇！沿住清水灣道落沿途真係多麼的清涼還是淒涼我一路跑馬路上的大大小小車經過路邊的水氹濺起的水就好似兜口兜面咁淋落嚟，落到彩雲雨細番啲跟住向牛池灣公園上過一個山仔去到鑽石山靈灰安置所下面有公廁要小解，小解完畢繼續出發去法藏寺上到慈民邨突然超大雨應該黃雨不過我都係無停步到達又係幾經辛苦先解開電話影到相。

                慈民邨?

下一站長沙灣天主教墳場呢一刻跑左34公里，又沙田坳道落番竹園道經馬仔坑道上龍翔道去，呢段路真係好悶本應隔離啲車會快過我點知我跑步仲快過佢地，事關前面有交通意外直情要封左一段路所以啲車停滯不前，成段龍翔道及呈祥道感恩無雨仲想放晴到達墳場對面馬路影張相又起步去一下站大角咀海輝道花園戶外長凳，又蝴蝶谷道落返地面今日上坡路已經完晒，呼....... 跟住手錶帶領去到南昌公園穿過西九龍公路經過浪澄灣到達海輝海濱公園打卡完向下一站去西九Growing up 展亭進發。全程為一要帶一陣口罩因為要穿過奧運站先過得返去繼續路程順便係7仔補給一吓 ，沿住海泓道跑到佐敦道去到就到西區海底隧道公路迷網事情又黎係唔係上橋呢，登登登手錶同個apps都係要行一段Z形但係係我面前就咁行過對面就可以上橋，當時都係落緊有雨前路望路清橋又太高望唔通，把心一橫上吧跑呀！！！！上到橋過對面經西區海底隧道旁邊路出西九文化區，天有不測之風雲雨越來越大仲要打雷閃埋忝天呀我就快完成架喇唔好玩我喇，冒住生命危險擔驚受怕去到展亭停底避雨避行雷閃電，因為當時感受到個雷電好近真係要避身處位置太廣闊，係個亭到休息一陣睇下天文台apps當時紅雨閃電有效時間都長，我只可以默默地等待雨勢無咁勁時行出少少打埋張卡先，其實我開頭係唔為意有西九呢一站，係要避閃電要停底又要搵安全地方避呢到展亭，真係不幸之中嘅大幸無漏到最後一站雨勢無咁大閃電無在閃我就起步閃人完成最後路程去返鐘樓完成挑戰。

         被困西九文化時

今日嘅經歷真係同我上年台灣單車環島遊可以比美由係經歷涼,微風,大風,晴天,微雨,大雨,超雨,最後都係惡劣天氣下完成,希望下一場選擇嘅日子個天會對我好一點.