一次又一次的「不可能」!

發表於2021/01/05
354次點閱
0人收藏
加入收藏

回想過去3個半月, 真的好像發了一場夢~

9月初的時候知道運筆好有心搞左個呢個環遊全港的活動, 跑友們便興高采烈話一次過報晒環九龍, 香港, 大嶼及新界了, 而一向保守派的我就報住九龍,香港玩下先, 點知一玩便上隱, 之後又報埋大嶼, 更在12初才臨時決定又報埋新界! ?

先介紹一下本人少少背景, 我係完全無玩過全馬, 最長距離跑也只有約25K左右(已經感覺想死?), 疫情期間跑班停晒, 於是6,7,8月學人練低心率跑, 然後進入跑季全球各地都舉辦不同型式的virtual run, 而我就報左倫馬及富士馬。????

因此, 9月中開始玩環九龍嘅時候, 當時係諗住分兩次當練長課, 為我的virtual full marathon作準備. 點知, 一落場就……逃不了….我和跑友在尖沙咀鐘樓出發往東走, 尤記得去到慈雲山附近已跑了30多K, 我極想跳上架116巴士?回家, 一來符合我長課的目標, 二來不想overload而受傷。  可是我跑得太慢了, 當我在巴士站旁同伴已跑在前方, 而我又不想不辭而別, 唯有頂住跑埋上去。 在法藏寺前的便利店小休了一會, 因為不想回頭行返去巴士站, 加上同伴極力鼓勵下, 而且當時我感覺還可以, 沒有抽筋沒有唔舒服, 就這樣又繼續上路了~ 跑呀跑呀, 直到南昌公園終於腳痛跑不動了, 但跑伴並沒有放棄我, 我慢慢行下行下, 鬆了腳又慢慢跑下, 然後又再行埋最後一段, 終於天黑時返到鐘樓了!  這樣, 我居然完成了我第一個環九龍之旅. 同時, 我也終初嘗好多跑友都經歷過嘅ITB痛?


10月環港島, 我們選擇了4號出發, 因為這天也是倫馬的大日子, 可以一雞兩味??。由於9月嘅環九龍我”超額”完成, 而相隔3個星期我的ITB痛雖然已有好轉但仍未完全康復, 因此, 我便帶傷上陣了。 港島的路段之前分開過來跑, 也了解環一圈的路況是如何, 所以都有心理準備, 仲帶定pole可以落樓梯時用。  對於是否一次過環晒港島, 我是有所掙扎, 其實想一次過環晒港島一直是我的心願, 但礙於腳傷, 又唔敢去到咁盡, 有想過可能完成個倫馬42.195KM便收工, 反正成個月流流長, 港島路我也熟, 10月內完成埋也不要緊。  今次, 我們由中環摩天輪?出發繼續向東面走。 其實我去到8-10K左右膝外側已開始有些少痛?,不過貼晒tape慢慢跑還算可以, 然後到了小西灣便開始上山, 上山路段我們都會行, 因此又舒緩了一下。 繼而就是無窮無盡的引水道, 又係咁跑呀跑呀, 眨下眼就來到赤柱了, 當時仍未儲夠42.195K, 有諗過不如在赤柱兜圈兜夠便收工, 但正如剛才所說, 環港島一直是我心願❤️, 可能因為我家住港島, 有一份港島人的情意結吧?, 於是在赤柱大休???過後, 見自己沒有異樣, 跑得動走得動下又再次上路去。 今次, 終於去到香港仔入數碼港才跑不動, 唯有揸住支pole篤下篤下, 慢慢行埋返去, 呢10多K路程實在太漫長了, 但最難得的是我呢個龜速慢行的情況下, 跑伴們仍然是在每個路口耐心等候?。 終於我們又返到中環摩天輪啦! ? 一次過環港島就這樣完了, 一次過環港島的心願也就這樣圓了!?


呢個初生之犢, 在短短3個星期內分別一次過環晒九龍及港島合共110多K後, 終於元氣大傷~?‍♀️ 腳患已不止於ITB了, 已申延到其他部位, 結果足足大抖了一個月??‍♀️???….雖然期間都有行下輕鬆郊遊mode嘅山, 但無跑一段日子狀態明顯下降, 體重也明顯上升↗️….還幸的是11月初見好得8899, 於是又可再戰環魚之旅!??

不過, 今次呢條大魚?不敢一次過把它KO啦~ 我總共分了3次完成, 嚴格上來說應該係4次, 只是第二次重覆多行了第一次的路段, 所以也算是3次環晒。

第一段是試試腳, 由梅窩起步去東涌約10K, 大部份時間只是急步行, 到最尾尾入東涌那幾K才跑??‍♀️, 感覺還算不錯。 第二段由石壁水塘出發順走至東涌逸東約30幾K, 這次中途接上了準備一次過環晒大魚的跑友, 由於他們在東涌出發順走至水口村會合時已耗盡不少體力, 所以我們大部份時間都是以急步行的策略加好輕量的慢跑把它完成。  在我傷癒復出後能行完這個距離也算不錯, 重點係行完後感覺仍不太累, 仲有力跑夠齊頭的里數才停錶!?????? 最後第三段及第四段分別由東涌順走至大澳及石壁水塘逆走至大澳順利完成。?


雖然大嶼分幾次走也圓滿完成了, 但對於打大老虎環新界178K我真的從來都無想過。? 12月初和一直從環九龍, 港島以至大嶼的腳伴去行山, 他們過去3次都順利一次過環完, 當然這次也會繼續打老虎啦! 而我在過去幾個月和他們結伴同環?下, 來到最後一站也希望可以參與其中支持支持??, 於是我便在當下馬上報名, 抱住夾到時間就一齊同環一段的心態以表支持, 當時仍未敢想像自己要環晒~

12月12日(距離大會完賽死線12月31日不足三個星期)才首次踏上我環新界的第一段, 當天我們由荃灣西出發往東行至西貢紙船結束約38K。我們繼續秉承唔需要快最緊要食得晒嘅宗旨上路, 沿途感覺頗有趣, 去了一些從來未去過也可能以後都未必會再去的地方, 感覺頗新鮮?。 如是者又繼續上路, 原來全程比我預期中長, 而且最後一段公路入西貢沒甚麼景色可言, 所以一路向前跑, 最後1K感覺有點吃力了, 但終於也完成環新界的第一段。

作為一個跑者, 一落到場真係會控制唔住架! 一係唔跑, 一跑就撻著左了! 見玩完第一段的38K後雙腿沒有異樣, 於是團火就出來了????, 決心要完成環新界178K!!! ☄️?⚡️我馬上開始籌劃路線, 制定分段日期。緊接著的17/12完成第二段, 天水圍頌富出發往東行至元朗錦繡花園約21K。 隔天, 19/12第三段, 大埔大王爺廟出發往東行至西貢紙船約48K。 26/12第四段, 大埔大王爺廟出發順走至元朗錦繡花園約47K。 最後, 選擇了在限期的最後一天31/12,把最後一段天水圍頌富順走至荃灣西約35K也完成了! 完賽一刻心情非常興奮, 終於大功告成!??? 真不敢想像我完走了整個新界路段! 真的像發夢一樣!?

能順利完賽,老土嘅說話點都係要講的?, 現在發表一下得獎感受先?? 。 首先能完成環新界, 天時地利人和的配合真的非常重要, 有你們, 我才能成事! ? 我衷心感謝自9月開始一同走過在路上的所有跑伴們, 多謝運動筆記免費舉辦這長達四個月的環港活動, 禮物多籮籮之餘最重要讓我們多發現了香港的另一面, 多識認了香港不同的地方, 我真係好????鍾意香港架! 同時也要多謝一直關心我腳傷的朋友, 雙腳是一世的, 我會好好保養! 最後也要多謝自己, 世上沒有不可能, 勇於相信, 勇於嘗試, 勇於創造, 並享受在創造的過程中!??? 


希望籍此可帶給大家一些正能量, 無論在生活, 工作, 家庭, 社會都可以堅持信念, 把心中團火燃燒出來! 香港人加油, 共勉之!?

此區為網友的心得交流平台,以上內容不代表運動筆記HK立場