一場可怕既疫情攪到成個世界好似停止左咁!!!!!

(攝於: 新界大西北邊境)

首先好多謝 運動筆記 設計左呢個可跑性極高又充滿特色既 為期4個月既virutal run!!  可以俾一眾跑友放放電!! 

9月環九龍 ,10月環港島 ,11月環大嶼山 都順利一次過食晒!!! 當玩完環大魚之後 我已經係度諗無理由唔試下一次過玩埋新界!! 思前想後左好耐, 有諗過好似有d師兄咁一早搵定間酒店訓醒再玩埋佢, 或者搵朋友分段做十卜 !! 到最後我諗起星爺講過: 做人如果無夢想 同條鹹魚有咩分別呀 

 (圖:攝於天水圍) 

既然都豁出去玩百貓(mile 英里) , 要玩就玩盡佢!! 以全自助形式下完成呢個環新界178 公里!!! 為左應付呢個自殘活動, 之前幾乎個個星期六 都同朋友分段試路 (40-50K) 同當練習一部分!! 

前一日真係緊張到好早就執定野!! 可惜太重, 最後好多野都要放棄 (好後悔掉低左個睡袋)!! 

(圖: 一齊起步既跑友腳)

26號當日一早約好跑友食個靚早餐就出發大王廟!事前同跑友講定, 我以自助百貓為目標!! 所以一開始我就決定狗衝, 幸好天黑前就趕到番天水圍 (避開嗰邊D野狗)!!  但番到荃灣西既時間比想像中慢左, 唔可以12點前走到去長坑路!! 因為上次試路對呢條荒村感覺不良 (當日知道時間慢左, 有打算搵朋友半夜陪行) 最後本能地決定唔半夜再趕過去!! 當晚係九華徑附近搵左個地方直接抖到5點先再起步(結果五點幾未天光經過時 突然聽到有細路仔同大人講野!! 仲要係兩次!! 可能條村仲有人住掛,嗰陣真係驚到X都縮埋)

27號天氣仲比前一日熱仲要無雲, 極度乾燥! 

(圖: 飛鵝山的清晨)

(圖:天氣乾燥到 出左汗勁快變鹽粒)

近黃昏番到南涌已經估計到11點前可以玩完, 所以 輕輕鬆鬆 鄧子峰食埋野先走..

(圖:來記菜乾豬骨粥 同豆漿)

最後拖住肉體都捱到番大王廟 (整整37小時有多) , 自助形式玩法實實在在太多可變因素(體能, 負重, 補給點, 精神狀態) !!真係試一次就好啦!! 我都係輕輕鬆鬆膠遊樂好啦 ~ ! 

(圖: 大王廟的日與夜) 

最後感謝呢4個月一齊同行過既朋友 !!

from 家富.牛