跑完比賽之後，有唔少男跑友的乳頭因為長期與跑衫磨擦而流血，輕則沖涼時有少少痛，重則件戰衣被染到胸口有兩點。有見及此，在此分享個小貼士俾大家啦！

一般人會用膠布或者凡士林去保護乳頭，但係長期的磨擦下，膠布會容易痴唔穩，凡士林亦會被汗水洗走。

所以小貼士就係教大家用運動貼布！一般的運動貼布都比膠布痴得更實，因為原本運動貼布的設計是可以貼在皮膚上數以日計，而且可剪成不同形狀及大細，十分方便。

使用方法與平時運動貼布的使用方法一樣。剪好合適的長度，並裁去四角(下圖)，再貼到乳頭位置。

此方法無論快慢速度，長短距離，全馬半馬，都試驗過，保護度暫達100%！希望呢個貼士可以幫到各位有需要的男士！

（圖片來源：GoDone Runners）

延伸閱讀

・保護「兩點」！防止摩擦

・【跑步小貼士】學會綁鞋帶 腳後跟水泡bye bye

・開跑前注意！跑步熱身3大準則

*運動知識 盡在運動筆記*

GoDone Runners Facebook專頁