🚶🏼‍♂️全走真的很興奮01—將屯!(feat.青公)

發表於2021/07/16
133次點閱
0人收藏
加入收藏

前言

halo🤙今次同大家講下之前行過嘅將屯挑戰!!其實我地之前都試過由大埔行到去尖沙咀,結果一試上癮(下次講下先)🤣所以就大膽d學人由將軍澳行到屯門!開頭都有d猶疑,後嚟見到運動筆記有青公全走玩,路程同將屯有重疊,所以就同個frd join咗啦👣第一日我地行將屯,第二日行屯門去上水。

第一日|將軍澳去屯門|47.4km|11:10:50|

住喺新界要去將軍澳就要0500起身,0545上巴士,0640到將軍澳食早餐,0720尚德出發。
第一個挑戰係跨過去秀茂坪嘅一段小山路。有過上一次嘅經驗(無錯我地失敗過一次:( ),我地知道上斜絕對唔可以急,一定要慢慢嚟,如果唔係就會好似上次咁好快被消耗晒,有策略嘅前提下,我地順利落到秀茂坪,時間仲俾上次早得好多。


經過秀茂坪後我地再度有前車可鑑,唔再好似上次咁落錯觀塘,可以慳翻2-3k路程,直落九龍城。一落到德福,全身黑色dresscode(黑褲黑鞋黑襪黑衫黑越野背囊黑眼珠黑頭髮黑心腸)嘅我即刻被在旁虎視已久嘅兩位藍色dresscode嘅哥哥拉埋一邊check身份証(所以大家著衫都要注意🤔)有驚無險後我地落到啟德,終於有成段路第一個休息(紅綠燈以外)休息過後穿過土瓜灣進入太子道西,經過旺角就到深水埗。


深水埗係青公全走比賽嘅起點,跟住落嚟我地只要過咗一段稍為上山嘅公路路段就可以到荃灣食飯。但係呢段路真係兩日以來最辛苦嘅一段。我地要趕過去荃灣食飯之餘,除咗係上斜之外,距離長亦都令隻腳開始攰。好唔容易過咗呢段路,終於落到荃灣,我地去咗光榮冰室食飯順便休息下(光榮冰室真係好大碟嘢食亦都好好味!)補充體力過後,我地就開始d1嘅下半場--荃灣~屯門。



成段路係第二痛苦,成段路你話係海景,應該容易d掛,我只會認同一半。的確有微微嘅海風係好好多,但係同時3hrs對住個海無盡頭咁行真係幾痛苦,好彩有隊友一齊行傾偈解下悶。經過汀九,深井之後我地到咗大欖小欖。淨翻4-5k,但係呢段路一d都唔易,就係因為知道淨翻唔多嘅路,我地開始心急,想喺1900前到屯門,我地體力卻係唔容許我地行快。
好不容易終於到黃金海岸,稍作休息後我地再直奔到三聖村,終於,終於到咗我地嘅終點,一個交通燈交叉點,即係第二日嘅起點。

第一日一路都有補給,路程成功由香港東邊嘅將軍澳去到西邊嘅屯門,沿途經過好多地方,真係一個好好認識香港嘅機會👍大家跑開步可以試下!🤣

第一日,47km,行咗11hrs,係人生行得最長嘅一次,對腳真係好痛,究竟點行埋第二日磨咪人意志嘅元朗去上水段...?

此區為網友的心得交流平台,以上內容不代表運動筆記HK立場