筆記 x 獨男環香港 - 新界站 (Part 1/2)

發表於2021/01/11
635次點閱
0人收藏
加入收藏

筆記 x 獨男環香港 - 新界站 (Part 1/2)

起初想著跑UTML支持下,見到可以一次跑兩個活動,又幾有意思,就參加了筆記環香港 - 大嶼站。完跑後,看見筆記環香港 - 新界站。見到可以一邊跑一邊欣賞風景,來一次一條獨男嘅浪漫,就係咁,報咗名,準備出發。

見到好多外星人可以一次完成,小弟只是凡人,所以決定分四至五次以郊遊輕鬆跑去完成。盡量每次跑到日落後就收手。
對於忙碌的香港人,再加上唔係外星人,其實跑環新界打大佬,跑178km,最大敵人係時間。而且,我一想到中途新界美景同美食,定必加遊,一定唔止178km?。

深涌太美了

第一站,大埔到北潭涌 (42.6km)

先跑過科學園及中大,然後過我最愛嘅雙子橋,跟住經烏溪沙入西貢,途經水浪窩,再入深涌,猴塘溪,大灘,北潭涌。呢段路,最深刻的就是由水浪窩到深涌的一段,風景美到不能形容,一邊跑一邊欣賞,實在太美了。深涌實在美到不能形容,只有用相片來表達吧。由深涌到海下段,中途也遇上最有趣的,就是蛇,也有不少,在秋天行這段路大家也要小心點。

水浪窩


第二站,大埔到元朗 (55.7km)

因十二月工作非常忙,要找時間跑是最大難題,能再抽時間跑長課,已到12月下旬,
由大埔出發經新浪潭,大尾篤,鹿頸,沙頭角,再到粉嶺,中午本來想去聯和墟食四眼仔腸粉同豬手麵,但怕未趕得切日落前到元朗,所以還是直去龍躍頭再去大水管,過香圓圍公路,發現無路,見到兩位師姐,也好苦惱怎樣過橋,馬上同佢哋一齊揾路,點都估唔到要在橋下地盤才有路過?,然後就去到大水管,因天色很配合大水管,怎樣拍也很美。

去到羅太豆腐花,熱豆漿同熱豆花怎能不試,加上天氣凍,羅太豆花對於未食中午飯嘅我超難忘。

然後,馬上再衝去元朗,看看日落前可否跑入南生圍。南生圍日落真係美到不得了⋯⋯我極難忘。

最後當然要加遊元朗名物,老婆餅?


頭兩站已感受到,
最辛苦:178km, 唔駛講啦
最自由:分多少次由你決定,仲可以自己加遊
最好玩:有極美香港風景,有美食,又有得跑?
最有意義:人生可以跑一次環新界,用自己對腳感受香港新界是最能回味的,絕對值得。

馬上去看下集 => http://bit.ly/2LzFjNd 

Instagram:  www.instagram.com/benso888

Facebook:  www.facebook.com/benso888

Facebook Page:  www.facebook.com/benso8888

此區為網友的心得交流平台,以上內容不代表運動筆記HK立場