大嶼山同行慈善跑，將於 11 月 19 日在大嶼山舉行。這次活動屬於慈善賽事，收益將撥歸極地同行組織作慈善用途，其中一個項目則需要運用越野輪椅，乘載着傷健人士拉着走動。而是次活動有多位活動大使參與，其中洪永城 Tony 便是其中一位。在活動舉行前，我們就找了他詳談一下。

運：運動筆記  
洪：洪永城 Tony

運：　你好 Tony，以前曾經有做過義工或擔任慈善活動的活動大使經驗嗎？

洪：過往自己好幸運因為工作關係，經常可以到世界各地周旅歴，旅程當中當然會有好多體會同埋難忘嘅經歷。相反，我都明白到唔係個個人都咁好彩可以去到旅行，所以都出一分力，令到其他人都可以有旅遊經驗，透過旅行去認識呢個世界，從中否者可以更加認識自己，所以我近呢幾年都積極籌辦唔同類型嘅慈善活動，特別同旅遊相關嘅我都會做，幫得幾多得幾多啦！

圖片由主辦機構提供

運：今次首次接觸越野輪椅，感覺是怎樣？

洪：我從來未見過呢類型嘅慈善項目，可以結集到唔同類型嘅肢體傷殘，同甚至乎智力有障礙嘅朋友一齊合力幫咗其他人，我覺得呢種係一種好有效嘅身教學，我鼓勵多啲家長積極參與，一齊為下一代定立一個好榜樣，協助小朋友培養正向價值觀！

圖片由主辦機構提供

運：今次最大體會是什麼？

洪：我體會到原來傷健共融原來唔係咁虛無，係真係可以好簡單，但係又好有口感實踐！為咗可以同輪椅人士一齊同行郊野，大會結集香港本地大學同中學師生，一齊利用越野輪椅協助行動不便嘅人士去行山同埋參觀天堂大佛，我覺得背後嘅理念真係好偉大！另外佢哋仲會有個人同傷健組別唧行山跑步環節，令更加多人可以一齊體驗極地同行嘅社會共融理念，我覺得有意義得來又唔會太沉重，傷同健可以一齊玩，建立關係，呢啲情況真係好少有！