12 月 18 日台北馬拉松順利完結，當日寒流襲來，眾多跑手頂著寒冷天氣奔跑，香港跑手大放異彩，當中包括黃啟樂、魏賡、羅映潮⋯⋯其中亦包括以 5 秒之差錯失季軍的林穎璋 Vincent，他以 1:07:45 PB，並獲得第四名，我們採訪了 Vincent 分享他台北馬拉松的心得以及感想。

（圖片來源：runnervincent）

三年前，Vincent 與朋友在台北馬拉松經歷過一場敗仗，他於今年八月尾報名參加台北馬，並抱著一雪前恥的心態參戰，前後約花費四個月時間準備，除教練安排的訓練之外，亦會參加香港各大不同的道路賽以及田徑賽以賽代練，Vincent 表示：「 當我 10 月初贏了 ASICS 香港半馬錦標賽嘅時候，更加幫我打咗一支強心針。」使他相信自己能夠在 12 月的賽事 PB，而且他亦能夠做到。

Vincent 參加香港 5 公里錦標賽 2021 （圖片來源：runnervincent）

因為想挑戰自己，所以 Vincent 選擇台北半馬，他直言：「之前喺疫情嘅時候都冇跑過正式嘅半馬比賽，同埋可以出國嘅機會少之又少﹐所以就想藉住今次半馬呢個比賽去訓練返自己嘅有氧能力。」並為他之後的田徑賽，甚至乎長距離嘅道路賽做好準備。

Vincent 於台北馬以 PB 1:07:45 獲得第四名，他在衝線那刻感到喜悅：「始終準備咗咁耐，同埋個時間都不過不失，快過我之前個人最佳時間大約 5 分鐘左右。」但他仍抱有些小遺憾：「呢個時間同教練傾好嘅目標有少少落差。」而且始終「梗頸四」未能夠上到頒獎台 ，他略感失望。

雖然未能上台，但林穎璋亦表示這次比賽有不少得著，他指有機會與香港以及台灣長跑好手一同比賽是一個好寶貴的經驗，此外，他亦想藉這個機會對教練卓健新以及公民田徑會的一班隊友表示感謝：「 幫了我呢四個月不同形式嘅鼓勵同支持。」

（圖片來源：runnervincent）

距離 2023 年只有一個星期再多一點，Vincent 期望來年可以挑戰長距離的道路賽，來年 2 月參加香港渣打馬拉松全馬賽事，他直言未來目標除了一萬元奬金外，亦希望突破自己在長距離上面的樽頸。他希望藉此證明：「同其他人講我地 team 唔只中距離項目，長距離都一樣發揮出色。」

2021 年香港渣打馬拉松，Vincent 參加 10 公里比賽（圖片來源：runnervincent）