「頑張って」跟粵語「奸爸爹」三字的發音很接近。有接觸過日劇，或者日本文化的人也應該聽過，是替人打氣、努力的意思。如果有去過日本跑馬拉松的朋友，就一點都不陌生，在賽道旁的觀眾不停的叫著「頑張って」，為跑手打氣，大家聽到了也會燃起以頑強的鬥志向著終點奮力向前。

搖滾樂隊 Ｋolor 的主音蘇浩才 Sammy，很多跑友也早已知道他也是一位跑手，成績也不俗，亦相當勤力。他也已經認真練跑參加馬拉松及越野跑有四五年時間，也踏進了 SUB 4 的門檻。各位有在青山公路練跑的朋友，或者也曾與他有一面之緣。他多數是穿上一件印上「頑張」的 跑步背心，他近來每逢星期一也在深水埗跟其他朋友一起操練，他們也有一件「頑張」背心，不知不覺間已經成了一個「頑張」跑會。

「頑張って」—  以頑強的鬥志向著終點奮力向前

因為「頑張」認識了阿歹，然後是一個又一個跑友

關於「頑張」兩字，Sammy 道出背後的小故事，對他們有特別感情「我哋有隻歌叫『頑張』，呢兩隻字係梁柏堅贈予我哋嘅，當時我哋收到都唔知咩字嚟，佢話係日文漢字嚟嘅，代表「奸爸爹」，即係加油嘅意思。」

Sammy 後來想造一件跑衫結自己，做想起這兩個字「其實一開始只係想自己著，想造一件跑步嘅衫，其實全部嘢都係呢件衫開始嘅，因為呢件衫呢我就認識咗好多朋友，包括阿歹謝覺偉，都係因為呢件衫串連起大家嘅緣份，咁就開始一齊跑步」

Sammy 因為頑張，結識了阿歹，頑張亦壯大起來

「一路再去到有一日我哋就想多啲人一齊跑咁我同阿歹都可能有啲理念嘅嘢都好相近，想多啲朋友一齊跑，或者一啲唔識嘅朋友一齊跑，咁我就膽粗粗問阿歹，如果真係開始搞，唔好話搞一個跑會，係開始有一個定期嘅時間去練習，叫啲人落嚟一齊練，因為阿歹係專業跑手，可以提供啲專業嘅知識 ，就問佢有無興趣一齊玩，咁佢就快應承咗啦。」

Sammy 便用「頑張」去包裝這個跑會，今年 5 月開始，便定時星期一去深水埗運動場練習，剛開始時人不多，但朋友就愈來愈多「由十個八個一個星期的，慢慢就越嚟越多人，而家每次都可能有幾十人一齊嚟參加。」

參加者以為自己是來追星　怎知也跟著跑起來

Sammy 是樂隊的主音，也是娛樂圈的一員，他亦說出有些參加者剛開始是想來見一見他「有啲朋友一開始可能知道我會落去跑呀，本來可能想見下 Sammy 喎，慢慢佢哋見到我哋係認真練習，唔係玩玩下㗎喎，如是者個個禮拜都嚟下，引到佢哋嚟跑埋一份。」

阿歹是一位精英跑手，在隊中擔當教練的角色，為參加者安排每星期一的訓練。跟著 Sammy 一起組織跑會，也令他有不少轉變，Sammy 說道「阿歹都唔算係一個咁 open 嘅人嚟，即係對住陌生人可能會唔出聲嘅，開頭我推佢出去，你出去畀啲嘢佢哋練啦。」Sammy 也見證著阿歹面對人群也說話多了起來，愈見自信。

亦有不少參加者，開始時並不太跑步，直情是全新手。有些人一來便說得明明白白「我唔跑㗎」但也慢慢由急步走變成慢跑，Sammy 看著他們的改變也十分開心「個感覺好似一個厭食症，無端端食番嘢喎。 嗰下都幾感動嘅，即係同我哋想搞跑會個理念係一樣，『唔係想你跑幾快，只係想你嚟運動下』。」

Sammy 與阿歹在回想著上兩次紐約馬虛擬跑的路線

參加賽事是測試也是鼓勵  「頑張」組團參加紐約馬虛擬跑

11 月 6 日是紐約馬拉松的日子，Sammy 的初馬便是在紐約馬完成，早前也有成員問有什麼比賽可以參加，所以 Sammy 跟 New Balance 商量， New Balance 亦答應全力支持參加紐約馬虛擬跑，便組織了「頑張」的十多位成員在紐約馬同一日在香港進行線上跑。「我同阿歹講十幾個名額就得咁多，不如揀啲人出嚟跑，大部份人都係初馬，上兩次長課 30 K 都係第一次跑咁長，一路睇住佢地呢兩個月嘅成長，心中團火又越嚟越旺盛，對完成亦越嚟越有信心。」Sammy 笑說「又成功迫害到一班人。」

阿歹負責揀卒，他有一套準則，主要參考練習的態度及出勤紀錄，著重付出與熱誠「我會記得有邊啲係真係遲到都趕過嚟，咁我地跑一個鐘㗎嘛，我哋六點開始，佢六點半嚟，咁我哋七點完，佢都會照跑到七點半，我就 睇佢哋啲態度，咁樣就揀咗佢哋出嚟。」 

吐露港兩岸也有平坦及寬闊的行人步道，適合練跑

七星期訓練時間雖倉促 但還是有辦法

Sammy 說起備戰，原來由報名到比賽只有七個星期時間「主要都係練個跑量，反而強度就好少，先幫大家慢慢 Build up，唔可以話一嚟就要跑 二三十公里長課。真正的第一次長課跑了二十三、四公里，第二次就三十，跟住咁見佢哋嘅進度都幾好嘅，所以之後嗰幾次訓練都加咗啲強度，里數就少啲，咁又可以畀佢哋刺激下唔同嘅肌肉。」阿歹亦有加插斜路訓練，「等佢 feel 下去到尾段肌肉好酸嗰種感覺。」

說起訓練時「互相迫害」的點滴，Sammy 與阿歹也不禁笑了起來

精心設計虛擬跑路線 方便補給又可互相打氣

訓練進行之時，他們已經規劃好路線。上兩次紐約馬虛擬跑，他們在沙田及科學園那一面的吐露港沿岸進行，今次選擇在對岸的沙田城門河一至馬鞍山海濱一帶，來回進行。Sammy 說道：「都係平路好啲，揀一個冇咁曬嘅位置，因為我諗去到 11 月頭都唔會涼得去邊㗎喇，應該難頂嘅，最尾嗰一兩個鐘開始曬嘅時候都應該難頂嘅，所以就盡量減輕痛苦。」

阿歹補充：「可能喺沙田運動場跟住擺完呀跟住當熱身，跟住我再過去濱景花園對出單車徑嗰度起步，跟住就跑去馬鞍山海濱公園盡頭 ，跟住又做一個來回 10 公里，跑 4 轉加兩公里，咁就途中就喺單車公園嗰度安排補給就會好啲囉。大約 5 公里一個補給。令到佢哋係覺得享受同埋開心跑完。」

可惜，阿歹比賽當日要代表香港出席在泰國清邁舉行的世界山跑及越野跑錦標賽，未能現場見證一同訓練的成員完成初馬的喜悅。祝願在香港跑的 Sammy 、頑張的成員，以及在泰國的阿歹，可以有理想成績。

比賽當日，頑張成員會穿上 New Balance Fuel Cell SC Elite V3 的紐約馬拉松特別版來為自己比賽

訪問 ／ 攝影 ： 艾頓