【賽事動向】二十個星期跑十個全馬?苗圃十全馬

中年東西
發表於2021/07/22
377次點閱
0人收藏
加入收藏


二十個星期跑十個全馬,兼係山跑加路跑,有沒有搞錯?真係有嘅,而且由去年嘅私房籌款活動試辦過,今年就正式公開搞。有咩特色?

跑遍新界,港島及大嶼山,會跑經好多冷門地方,例如 :文錦渡,蓮麻坑,大水管,落馬州,廈村。亦有好多熱門路,例如 :大埔海濱,港島徑,城門,鳳凰徑。

帶你認識維多利亞城,港島路線就要求你係五塊維多利亞城界石自拍。



近日跑圈有人興起跑洋紫花的港島五瓣,而呢個十全馬就可用六隻馬,幫你新界劃一圈。

香港人十分重視交通方便,參加活動都一樣,呢個活動就充份照顧到,因爲每隻馬的起點及終點多數係港鐵站。

如果你覺得每年初三嘅四徑,要自助補給,能夠生還係好犀利,咁十全馬就比個機會你,小試自己啲功力,不過放心,路線設計考慮呢點,大部份路線會經過加油站,便利店及鄉村士多。


由於有限聚令關係,呢個活動係以線上跑方式進行,跟大會提供嘅GPX自導航,到指定打卡位自拍照,對於路癡,就要留意大會的面書,因爲到時應該有約跑嘅。

能力唔夠跑十隻馬,但又想玩,可以點呢?考慮呢點,今年正式搞就更提供五隻馬,半程,一馬甚至十公里的選項。


活動資料 :https://sowers.hk/10marathons/

苗圃十全馬 Facebook 專頁