【香港四徑】完成者劉俊文四徑挑戰賽後報告 賽前開新鞋成完賽MVP?!

Lcm Lau
發表於2021/02/19
3,450次點閱
0人收藏
加入收藏

我做到了 終於做到了!


係依到我要多謝2個人,係依三日裏面好重要既人,佢地絕對幫左我好多。
多謝我太太 Molly新年幫我去拜完年又黎招呼我,幫我gear 拎出拎入,仲要受我氣。


多謝 Mok Tsz Him 你車我地兩個去甘多地方,半夜三更山頂接我又即時丟低部車零晨三半同我上船去梅窩,再即時坐船出返中環攞車。


   麥徑時間非常理想 關鍵的第二徑衛徑失預算
過程相當辛苦,天氣一日比一日好,第一日天氣最舒服,所以第一徑完成時間好理想,最關鍵係第二徑,只要第二徑無問題大至可以完成之後兩徑,結果第二徑56k後,胃酸出哂黎,完全食唔到野,飲水sport drink都無用,到達沙田坳士多都唔知買咩好,買左枝豆漿,出奇地發現可以舒緩到胃酸問題情況,之後都係水同豆漿或維他奶去支持落去,太古去赤柱峽道判斷天氣錯誤,太熱太曬,開始上紫羅蘭山已經無水,之後孖崗山好絕望,只有不段調整,最後先挨到落去。


   第三徑-港島徑 和韓籍跑手一齊趕船
4點同韓藉跑手出發,大家想趕半夜12點半船,為第四徑爭取多點時間,預20分鐘山頂落反碼頭,當時大家剩反8個鐘頭多少少,佢話無問題的,我心裏知道應該趕唔上,第二徑因為熱既天氣已經消耗太多,結果都係趕唔上,只能搭3am船,趕唔上既好處就係多點時間休息為第四徑準備,壞處就係之後時間就會更緊湊,多謝him係休息時間幫我打點所有野。


   第四徑-向著郵筒直進
剩返15個鐘頭時間,得與唔得之間,一落船就要開始跑,石壁去分流開始出太陽,出現輕微中暑情況。唔夠休息下加上天氣熱出現頭暈係預計左會發生,只係會幾時出現同有幾嚴重,不段調整同飲水,最後大澳返梅窩剩下8小時,看似時間足夠,正正就係最曬時間,天氣決定一切,太熱關係,快唔到,只有控制住速度。

姜山依段路最難過,當我上最後一個山時,有驚喜,有一班人正在為我打氣,比到我精神上支持,到昂坪買足夠水即刻離開開始上鳳凰山,鳳凰山依段停低左幾次,甚至攰到要用手爬上去,我同自己講頂住,最後終於挨到上去鳳凰頂,只剩反3小時30鐘到,正常情況時間足夠,但個刻已經唔係正常。


一路都唔敢鬆懈,開始上大東山時食半枝gel,一路都無講過我食gel,因為一路真係無乜食gel,食完半枝gel,胃酸又出反黎,飲幾啖維他奶舒緩反,當時剩反2h40到,太陽開始無甘曬,最後好似用左50分鐘到上到頂,落山時食埋最後半枝gel+幾啖維他奶就開始沖落山。由大澳返梅窩一路都好擔心驚出問題,係驚自己會暈低,個刻已經唔需要再擔心,乜都唔諗唔理時間,只有繼續集中衝落去,亦都可以肯定係我跑甘耐山以over 100k黎講落山最快一次,因為落山無腳痛,令我更加放膽沖,我諗係因為對鞋幫助既關係。



當我到達梅窩終於可以鬆一口氣同驚喜,竟然有甘多人等緊我,跑左越野跑甘耐,依次係唯一一次令我差d喊出黎,因為我真係用盡全力貫注一跑,我唔相信自己可以反得到黎,唯一遺憾就係當我到達時,我太太正在船上,好想同佢分享個一刻,最後多謝 Lantau Base Camp 借出淋浴間,多謝隊友 Lok Ho Cheung 去東涌車我反屋企。一路好少講越野跑,係因為我自己興趣無乜好講,但今次太多人要多謝要公開甘講,多謝好多朋友親切問候支持,攝影師、觀眾、同 Andre Blumberg 比我有機會參與今年賽事。


This is my honor to join this year.This year must be very special to everyone, so I’m happy that you let me in.Thank you.




   賽前的準備?
跑完有人問我點準備今次,我真係講唔出口,我有試過準備今次,係好間斷甘練,傷過2次再加早排天氣凍停止練習一排,更爆既係我係前一日買對新鞋黎跑,過程無換過鞋,證明對鞋係得既,今日無水泡無腳腫,就係HOKA ONE ONE mafate speed 2,可以推介比大家。



最後無論能唔能夠完成都好,每一個人都了不起,因為每個人值得尊重。
今次返黎跑第二次,係因為唔服輸既關係,我要既唔係贏其他人,我要贏既係自己,時間真係無目標但要60內,而我要做最好既自己,結果我做到了,我相信應該唔會有第三次。應該可以好肯定,除非.....


圖:Lcm Lau, ViolanAlan.photos ,William Leung