來源 : 周漢聶 Facebook 2020年2月15日星期六，香港長跑好手周漢聶 Hanniel 於美國加利福尼亞州的一場田徑比賽一英里項目之中，跑出 4:20.49，打破香港塵封 31 年的一英里紀錄。原來的紀錄是由葉啟德於1989年創下，時間為 4:22.63。
這場比賽是 Pomona-Pitzer Track and Field All Comers Meet 2020 是由克萊蒙特 ( Claremont ) 兩所著名文理學院波莫納學院 (Pomona College) 及 匹茲學院 (Pitzer college) 合辦的大學田徑隊舉辦的田徑賽。Hanniel 之前在 UCLA 交流了一年，認識了一些朋友，所以參加這個賽事，又可以順道探望友人。
來源 : 周漢聶 Facebook
問：當地天氣如何？賽前準備成點，有預感會跑出好成績嗎？
周：天氣熱過香港少少（因為香港是冬天），這裡下晝頗熱，早上及夜晚涼快。 其實賽前準備麻麻，adjust 唔到時差訓得麻麻。星期三最後一課速度課，之後大腿後肌痠痛到賽前。但我同自己講要做嘅準備一早做晒。同埋學我個 friend 話齋：神已經決定咗我今日會跑成點，我只需要盡力。 所以去到第三圈無人肯帶都要決斷咁走出嚟，因為我知我唔帶就一定跑得唔好。
問：你由第三圈開始帶頭跑，感覺係點？
周：其實成場比賽好快，無咁多時間諗清楚先做決定。所以一望到個大鐘係 2:10 我就知要走，如果唔係一定會慢咗。所以即刻加新速。
問：破咗香港記錄，有咩野感覺？除咗多謝神嘅安排，有無邊個人要多謝？
周：要特別多謝我朋友 Aris 同 Andy 收留咗我幾晚，任我黐飲黐食，同埋到現場睇比賽支持嘅兩個兄弟 George 同 Quinn.
周漢聶(中) 與到場打氣的好友George 名 Quinn合照 (來源 : 周漢聶 Facebook)
問：短期嘅目標想針對咩嘢項目？
周：其實而家年度計劃係夏季練短冬季練長。希望趁阿雋 (黃尹雋) 仲未將馬拉松紀錄推到好高，可以破到馬拉松。另外，都想刷新 3000公尺障礙賽同 1500公尺的香港紀錄。
近年長跑界多了很多新星徐志堅、余顯華、魏賡、黃尹雋之外，周漢聶也是另一位令人期待的新秀。未來香港長跑界一定很熱鬧。
