【毒跑恩物】 Insta360 X2 試用報告 「陪著你跑」全角度自拍山野英姿

Tommy
發表於2021/03/17
1,476次點閱
1人收藏
加入收藏

鍾意越野嘅朋友可能都會明白,想拍低自己嘅「英姿」唔易,之前拍過跑步跑山嘅片,都係用電話加gimbal 。今次試用360 cam 拍,發覺個方便程度同命中率真係好好多。畫質都好滿意。要一路跑一路拍片,其中一個難處係鏡頭要對準個主體。在山路上拍快嘅跑手就更難,仲可能自己會跌到。用360 cam 只要冇物件遮住主體就大致上可以拍到,同時方便轉用高角度或者抵角度拍。但因為鏡頭可視角比較闊,拍片時要跑得同主體比較近。


攞係手拍出來效果唔止夠闊,仲非常穩定
低角度Close up 一樣自拍做到


另一個好處係容易自拍。因為部機會自動刪除枝自拍桿,出嚟嘅效果就好似有人拍緊你跑。仲可以高低角度都可以容易拍到。用其他方法真係冇咁大彈性。

有一次上釣魚翁試拍,山頂三百幾米高 用360 cam 拍出嚟好似千幾二千米高咁。仲好以有啲航拍feel。


在釣魚翁試機,效果猶如低追航拍


自拍桿夠長,發揮創意就可以拍到很多特別角度


針對講返部 Insta360 ONE X2。本人未用過上一代ONE X,但係對比返兩代設計上嘅分別已經覺得使用上會更好,更方便。
今次加了OLED touch screen,大部份常用設定可以在touch screen上完成,無需用電話App控制。如果影比賽之類no take 2 嘅情況特別重要。我用得最多係5.7k 30fps 同 3k 100fps slo-mo 之間切換。電量都好足夠(80分鐘)。出去拍過幾次,同有影過朋友山賽都未試過影都唔夠電。不過可能因為影片高bit rate,所以出嚟嘅File size都幾大。要預一張容量大嘅micro SD卡。

配件非常之多


影片畫質都好滿意,顏色同對比度都好。就算鏡頭對住太陽,個人背光,影出嚟個人都唔會太黑。平衡得唔錯。


3k 100fps 等於4陪慢鏡。效果流暢,穩定,殘影比較少。感覺比 iPhone 120fps 更好。但3k 360 影片如要後製想再放大zoom in主體就會唔夠解像度。



防震方面都好滿意。跑住落山影都一樣好穩定。

主機本身已經防水,雨天一樣可以拍,不需要加防水外殼。可以慳返一筆錢。

雖然個app都算易用,不過360影片始終後製需時會比較長。個app有提供自動追蹤主體功能,可以慳到時間,不過始終手動調教視角個效果會更好。


Insta360 ONE X2 影片格式特別,如果要喺電腦上面編輯,要用 Insta360 studio 先可以預覽同剪接。
但用戶亦可以用 Insta360 手機 App 簡單剪輯發布,一樣方便。


除咗剪接仲可以轉動360度,調節最理想效果


總結:各方面表現都好滿意。新版亦改良了不少。操作、畫質、聲音都有唔錯效果。值得推介👍🏻


一片睇晒各種自拍角度和剪接效果



鍾意山,鍾意越野跑,鍾意玩嘅你,點可以唔入手啊~

即刻到官網購買:https://bit.ly/3oKY8v7


試用影片和相片:Tommy

編輯:La Pau