今個萬聖節,個個都去開party或者玩鬼屋,唔通個個都剩係想咁樣過萬聖節咩?仲掛住Trick or Treat?朋友你太out了,識玩梗係Trick or RUN!仲要係成班嘩鬼跑轉九龍東咁玩!約埋成班朋友同屋企人嚟太陽國際金融集團「萬聖節街跑@九龍東2017」!
日期:10月 29 日(星期日)
時間 : 下午1時至晚上10時
地點:觀塘海濱道反轉天橋底一號場
*名額有限,額滿即止!
想知更多?即上:http://runourcity.org/zh-hk/Home/HalloweenStreetathon
有乜鬼咁特別一定要參加?
- 難得機會俾你扮鬼扮馬大街大巷咁跑,跑遍九龍東各區,包括:觀塘海濱長廊、觀塘工業區同大街小巷、以至啟德郵輪碼頭。
- 跑住幫人,因為是次活動為兩個慈善團體籌款,包括以長跑訓練為青少年的生命帶來改變的慈善項目「街跑少年」,以及香港傷健共融網絡。
- 大人細路都可以發揮創意,競逐裝扮大獎,有得玩仲可以贏走獎品!歡迎小朋友參加「最『鬼』馬小靈精扮相大獎」比賽,現場亦設有「最搞鬼扮相大獎」比賽。
- 有嘉年華,精彩活動包括:戶外本地band音樂會、美食攤位、面部彩繪等。
- 每位參加者可獲大會紀念T恤,同埋完成獎狀。
有乜鬼活動好玩?
萬聖節街跑
與一眾嘩鬼跑轉九龍東!參加者可選擇不同路程:3公里、5公里、10公里、半馬拉松。活動將分組分時段進行,約三十人內一組以小組形式於「牛頭馬面領跑員」帶領下出發。不設計時、非競賽、不設名次獎項。為鼓勵大家盡情投入萬聖節氣氛,凡作萬聖節打扮「扮鬼扮馬」的參加者更可獲大會送出神秘禮物乙份!
參加者年齡:(3公里、5公里、10公里):12至75歲、(半馬拉松):18至75歲
南瓜特工孖住跑
唔想跑街又唔想一個人玩?拉埋朋友/男女朋友/老公老婆/阿仔阿女/阿爸阿媽一齊嚟孖住玩!
參加者需於限時內合力完成「南瓜怪魔」指派嘅嘅六個任務,包括真係捧住個南瓜跑,考你地默契、腦力、體力、敏捷度。成功完成就可以得到「南瓜怪魔」送出嘅神秘禮物!邊六個任務?!咁易話你知就唔係「南瓜怪魔」啦!密切留意我地消息發佈!呢個活動都係不設計時、非競賽、不設名次獎項架。
路程:約2-3公里 (遊戲+跑步)
參加者形式:2人隊制
參加者年齡:隊員一 (隊長):18至72歲,隊員二:6至75歲
最「鬼」馬小靈精扮相大獎
慶祝萬聖節一向都唔係大人嘅專利!小朋友係時候發揮創意同表演才能,以最搞「鬼」、最意想不到、最嚇人一跳嘅造型,成為最「鬼」馬小靈精贏走大獎!
參加者年齡:3至12歲
萬聖節街跑嘉年華
嘩鬼點止跑咁簡單?仲有嘉年華,唔跑步都可以嚟免費到場參與享受熱鬧氣氛,仲可以為參賽者打氣,或相約朋友嚟過一個難忘嘅萬聖節狂歡日與夜!
精彩活動包括:
- 戶外音樂會:由晚上6時至9時,台上不斷放送好聽音樂,讓氣氛熾熱高漲。表演單位包括:Kolor、MastaMic、黃靖、Blaster、Mr. Rocket Head (火箭頭先生樂團)、神奇膠等等!
-「嘩鬼變身」攤位:無論有沒有準備嘩鬼造型的參加者都可以即場讓造型更「搞鬼」
- 面部彩繪攤位
- 好飲好食攤位
仲有好鬼多…… 密切留意我地消息公布!
伸延閱讀