【One Small Step】2016轉捩點

發表於2016/12/23
5,642次點閱
0人收藏
加入收藏

(圖片來源:Step)

表面上看起來我好似好好,其實也有茫然失去方向的時候。2016年是特別的一年,有好多以前從來冇想過的事情發生,至少冇想過會開個note寫野。

運動從來只係用來減肥同發洩,但原來可以係一個課程。佢令我留意多左好多身邊的事情,睇多左書。除左自拍,也多去戶外,影多左好多風景,亦多左關心人同大自然的關係。

好似好誇張,但好多野視乎「自己」,也是「一念之間」。你得到幾多,就視乎自己願意踏出幾多。以前我也有運動,但總是困在gym room,亦不會去關心一些較technical嘅野。我亦十幾年冇去過沙灘,怕污糟同麻煩。但今年好多時候都同自己講「試左先算」、「睇下無壞」,結果好似上癮般乜都玩。

前兩天跟朋友討論團跑,問我點解少左去。我好享受跑步,特別是馬,好享受自己一個人思考同自己對話,當中係一個好好的鍛練,令自己唔好咁軟弱。但我並不是孤獨精,團跑也好好,只係隨緣,要夾時間同人。跑步同人一樣看似簡單,但其實也可以好複雜。

以前我的facebook好少分享自己事,今年出post已成習慣,我以前D朋友一定覺得好煩......突然間多左好多「朋友」,大多是網絡世界上的卻感覺好真實,你有什麼煩惱、出左事,一定有人支持同pm你,感覺好神奇 (其實有幾次真的令到我喊),亦令我多左思考人與人的關係同網路生態。今年有緣認識到好多大人物,一D我冇想過可以接觸到的人,是幸運。

昨晚我在想2017有什麼目標、有什麼想做。或者順其自然發展,好似2016年每件事都不是刻意安排,反而日積月累的。我好少用「感恩」呢個term,但冇其他更好的字去形容呢刻心情。多謝陪我一起在2016年成長的每一位。

延伸閱讀