| Physio Bro 文章專輯 |
呢個命題相信一定會掀起唔少討論，近年長跑運動員開始著重力量訓練。提升力量當然會對表現有所幫助，因為跑步其實就係不斷重覆單腳負荷自身體重 2.5 倍嘅運動。
但咁講係咪代表做多啲 gym 就可以改善到？
當然唔係咁簡單。
阻力訓練可以增加上下肢、以及軀幹力量，用以應付跑步帶嚟嘅負荷。但係大力都需要識得運用，如果唔係嘅話，跑得最快嘅一定係大隻佬。
而且，若只練傳統動作追求最大重量 (maximal strength)，如半蹲、硬拉、過肩推舉 (Overhead press) 等，會因為動作只集中於上身或下身力量，而忽略力量運用的效率。咁樣會令得嚟嘅肌肉容易繃緊，發力時速度會較慢，就未必能夠將訓練效果轉移到需要收縮速度較快嘅跑姿上。
photo： Physio Bro
坊間近年提倡 velocity-based training (速度為本訓練)，主張應以槓鈴移動速度 (barbell speed) 作為力量訓練嘅準則：透過速度作為舉幾重嘅指標，而唔會只單純追求重量而喪失速度，令肌肉收縮速度更加接近運動所需的爆發力。
正正因為跑步需要應付一定嘅負荷，同時間又要鬥快鬥速度，所以力量同收縮速度都一樣需要。終極目標應該係舉得重又舉得快，咁樣先能夠將舉重嘅效益最大化。
力量增長亦要同時間配合肌肉收縮速度，咁樣先會因為變得大力左，而跑得快。
編按：
筆者並唔係話唔需要最大重量訓練，而係係訓練初期增加最大重量後，就需要係追求重量同時保持一定肌肉收縮速度。
跑步科學資訊分享平台🏃🏻♂️
跑步看似人人都會，箇中學問卻博大精深。
兩位物理治療師以跑手的經歷，帶領大家以另類角度剖析跑步，重塑身體、預防傷患、釋放潛能，
追尋你的Personal Best！
確定要檢舉這則留言嗎？
取消 檢舉檢舉完成