我想食漢堡包，雪糕，定飲酒好呢？
但我要跑步。唉！又係揀食飯、意粉、三文治、香蕉。

photo cr：pexels

今日我哋就講講，能量來源與運動的關係，心理與運動飲食平衡的重要性。

能量來自碳水化合物、蛋白質、脂肪。所以不時建議跑手，跑前進食碳水化合物為主既食物，亦會提議跑步前不要吃太多蛋白質。蛋白質消化比較慢，盡量不食油炸食物等等。咁咪只可以食飯、意粉、三文治......好啦，為咗跑更好成積唯有跟著食。但問題就出現啦！
曾經有實例，有跑手在賽前，為比賽有好成積，即改為進食意粉，結果？成積更差，點解啊？

教學上，我曾經問過不同學生一個問題，如果星期日你將會有一個 10k / 半馬甚至更長比賽，兩小時前你會選擇食咩？
飲啤酒、三文治、麵包、雞扒飯、沙茶牛肉麵，香蕉、排骨飯、朱古力、麥皮、西多、甚至唔食野......
點解會咁嘅？
碳水？油炸？啤酒？依班同學甚至可以 PB 點解會咁㗎？

飲食主要提供能量，但別忘記消化系統轉化能量的習慣性，同心態我都必須取得平衡。

好多時除咗飲食上係能量，信念都係一種能量，習慣飲啤酒，就會覺得充滿活力，佢必成為你的動力。

點解會揀食西多，他深信是食完西多嘅罪惡感會係動力。的確都係一種強大既能量。

唔食野呢？消化唔到，跑時會更辛苦囉，倒不如唔食。


結語，跑步前建議選擇食一點碳水化合物食物，但要一步一步改變，切勿在比賽前改變一些習慣，有機會未如理想。身心必須取得平衡，雖然碳水是主要能量，身體亦需要時間適應新的飲食習慣。本身既生活習慣，心理平衡我哋都必須注意，我哋就由訓練既時間一步一步嘗試改變。

本文參考例子不適合生銅飲食法