多啦A夢跑 (小編都係鍾意叫叮噹多D) 上個星期日已經完滿結束，小編大清早去到，睇到多啦A夢同大雄坐住時光機，以及多啦A夢大雄靜香小夫胖虎一眾角色嘅模型同埋banner，霎時之間讀書時煲電視嘅片段一時間全部走番哂出來，真係歷歷在目。
今年多啦A夢跑香港站終於黎到，無論係die-hard fans定係想湊熱鬧參加，唔好意思名額得8,000個，於報名當日1個鐘內已經無哂，就算之後加推多1500個名額都火速售罄，你話多啦A夢熱潮犀唔犀利？
其實今次比賽形式分兩種，分別係個人4公里 [計時賽]、2公里繽紛組[不計時]。個人 4 公里為適合 10 歲或以上人士參加，比賽組別分男子組同女子組，以出生年份計算；2 公里繽紛組中途需要越過 3 個障礙，包括：巨型滑梯、三角迷陣以及水管隧道，適合 6 歲或以上人士參加。鍾意一口氣衝4公里定係鍾意同班朋友輕鬆玩都好，都可以滿足大家要求。
舊年見台灣舉行咗多啦A夢跑，難得今年香港都引入，重係為香港天使綜合症基金籌款，有得玩又有得做善事。小編見到當日大人細路都玩過不亦樂乎！運動筆記HK編輯部當然知道好多未能報名的朋友看到其他人玩得那麼開心「得個恨字」。當日我地嘅攝影師除咗幫唔少跑友影低型英帥靚正嘅照片外，亦同時以低科技精製濃縮短片，畀大家重溫一次整條賽道。
4公里賽道去片：
重有2公里繽紛組起步片段
除了多謝我地嘅攝影師，重要多謝網友 Ryan Tan 為大家拍了不少花絮照片，快來運動筆記嘅相簿搵原相吧。
(另外，當日玩係好玩，但眼見計時與寄存行李有點混亂，如果大會出年繼續舉辦，希望會有改善啦。)
天使綜合症（Angelman syndrome），是一種基因缺陷而造成的疾病。罹患此症的小孩，臉上常有笑容，缺乏語言能力、過動，且智商發展遲緩。
香港天使綜合症基金會
網址：http://hkasf.org/tc/aboutas.php
