佐賀櫻花馬拉松2017

佐賀櫻花馬拉松2017

發表於2017/03/29
294次點閱
1人收藏
加入收藏


佐賀櫻花馬拉松2017

第一次海外馬,興奮🤗,早一日黃昏到指定酒店入住,接待處有人已等緊我,接過跑手包,有Tee同比賽資料,目測我係最後一個取跑手包。
比賽日一早得6度,早餐遇到2個香港人,原來哩個比賽有30幾個香港人參加,總人數8千一百幾人全馬,一千多人10km。
之後跟大隊行去起點,好多中學生一齊行。
換衫後搵寄存有小插曲,見到人人攞大信封寫名,但唔見行李寄存,原來只限寄存貴重物品,如:銀包,手機 etc, 但袋/行李就冇寄存,只可隨放一旁 (室內)。
做warm up後到起步區(E區),鳴槍後等8分鐘先到起跑線,有類似炮仗爆開(粉紅紙碎,似櫻花效果),有打鼓助興,沿馬路旁好多熱心市民打氣 😚
超過一半路程都有途人打氣,有熱氣球,滑翔傘航拍,樂隊,好多街坊全家大小,寵物,團體,學生,長者!好warm 😍
途經公園多人在野餐。
後段比較曬(20度),水站有水桶水殻淋頭降溫 👍
沿途食物飲品供應不絕 👍, 路平較平坦,高低起伏唔多 👍,遇到pacers時會有多人跟隨,少少塞車。


路牌清晰,過終點後即時打印完賽證書 👍,有大草地比跑手休息 👍,但可惜冇完成獎牌 😢, 天氣比預期凍,櫻花仍未開花 😓,有香港跑手話上年最靚,滿開櫻花 😍
之後有多個贊助商攤位有試食/試飲,影相位,總括安排非常好,相反渣馬完賽後被趕離維園感覺差天共地 👎


此區為網友的心得交流平台,以上內容不代表運動筆記立場

發言
還沒有人發言耶!快來當一樓!