移居倫敦嘅跑友有兩件堅.淒涼嘅事，就係冇山又冇海 - 眾所周知倫敦最高嘅山連300米都冇；而雖然有泰晤士河嘅美景相伴，但係如果你仲有為某動物農莊嘅荒誕事而憤怒，想跑去海邊散散心嘅話，實在係有啲遙不可及。

有見及此，經過就嚟四張嘅小編39年半嚟為民爭取，(呀唔係，「為民」呢期唔係好老嚟，應該係為香港人爭取)，英國政府終於喺一月十二日正式開通咗England Coast Path 嘅 Grain to Woolwich 延伸段(下稱…東灣河段)，直接將大海同倫敦市中心連接一齊。

東灣河段全長47.12 英里(大約75.85 公里)，與現有嘅泰晤士河路徑(Thames Path)相連，由東倫敦 Zone 3嘅Woolwich開始，除左會穿越不同濕地同鳥類公園入面大大小小嘅小溪、泥灘同鹽沼之外，亦會經過一啲軍事同工業建築，好似Shornemead 堡壘、伊麗莎白二世女王大橋等。沿途有唔少火車站撤退點(例如 Woolwich Arsenal、Erith、Slade Green、Greenhithe 同 Gravesend)，又或者可以選擇喺Gravesend搭船返倫敦，無論郊遊或者挑戰自己都非常適合。

75公里對一眾香港超馬跑手來講，可以話係話長唔長，話短唔短；而對於初階跑手亦都可以選擇跑唔同段去體驗一下，各跑友如果去開東倫敦又多一個新景點可以安排時間去打下咭！

詳情請參看