| Physio Bro 文章專輯 |
相信大家都有遇到肌肉繃緊嘅時候，教練會叫你伸展番相應嘅肌肉，希望拉返鬆啲筋。但係好多時候，拉筋拉極都未必有效果，亦唔見得可以接改善跑步表現。拉筋嘅一大目的係增加關節的活動幅度。想達成目的，首先搞清楚柔軟度 (Flexibility) 同活動度 (Mobility)嘅分別。
柔軟度(Flexibility)是指肌肉可被拉長嘅幅度，主要作用是令關節免受過度伸展。例子係傳統的靜態拉筋/被動伸展。
活動度(Mobility)就係指動態中嘅關節活動幅度(Joint Range of Motion)。後者講求主動發力係關節不同角度嘅控制，前提係要發展健康的關節穩定性(Joint Stability)以及神經肌肉控制(Neuromuscular control)。
有無見過一些跑手肌肉好柔軟， 甚至做一字馬都輕易而舉，但跑步時步幅卻唔能夠有效擴展。雖然擁有良好柔軟度（Flexibility) 但卻因為缺乏主動發力嘅控制（Mobility)而無法應用係跑步上。
簡單而言，跑步時要做到一個流暢而省力嘅動作，就必須先改善身體固有嘅限制，再建立理想嘅關節活動度（Joint Mobility)，穩定性(Joint Stability)同力量(Strength)。要做到流暢跑姿，三者缺一不可。
想改善身體限制，記得留意之後嘅 drills！
跑步科學資訊分享平台🏃🏻♂️
跑步看似人人都會，箇中學問卻博大精深。
兩位物理治療師以跑手的經歷，帶領大家以另類角度剖析跑步，重塑身體、預防傷患、釋放潛能，
追尋你的Personal Best！
