環新界總距離長達 176 公里，平時很少會跑這麼長距離，有什麼地方需要準備和注意？看看施 Sir 的分享：

想問一下你會點樣準備環新界？
因為想一次過跑晒，有d路段未跑過而預計會夜晚經過的會先試下路，好似大埔道落九華徑果段。

會帶咩嘢裝備？
跑步背囊、帽、多用途頭巾、頭燈、薄風褸、後備襪、後備食物、水壼、手錶、電話、後備電源及線

施 Sir 環新界的裝備 （ 圖片來源：施 Sir ）

點樣安排飲食？
每十公里左右補一次，大約三十至四十公里會大補一次，坐低休下食下。

香港跑超馬嘅朋友好少，如果係有參加過長途山賽，轉嚟跑以道路為主嘅超馬，有咩野要注意？
路跑會較多重覆用同一組肌肉，所以要一段時間玩多D路俾肌肉去適應。跑咁長速度都盡量均速，不用太快，以不太辛苦的節奏去跑，先可以跑得長。

想你畀啲意見新手未跑到咁長會要點準備？
未跑過咁長，就要練習慢慢加長跑步距離，但又不能加得太多，否則又會容易受傷，可以試下放慢少少跑，跑下行下咁去試下延長跑步距離。我覺得跑得比平時最高里數多一倍己經是極限了。又可以先熟悉路線同補給位，到時跑得順D，要成日停低搵路會好影響鬥志，尤其有D位夜晚街燈，如果要夜晚經過就最好先熟路。熟悉補給位個人就定D，又可以準確預備你要帶喺身的水同食物份量。

環新界活動 Sze Sir 曾經試路 （ 圖片來源： Sze Sir Facebook ）

一次過跑唔哂，或想分幾次跑有無咩野 tips ? 會唔會建議人連續星期六日都跑？
這次環新界里數178公里，好多未跑過100公里的跑手，分幾次跑好合理的，香港人個個都忙，有時間就跑啦！如果想做好嘅時間，連續星期六日都跑嘅話，星期六跑後或多或少會影響到星期日嘅表現，不過如果對完成時間唔係特別介意，連續星期六日跑可以快D完成，首先星期六就唔好用晒十成力，星期日留意狀態，可能起身果陣身體肌肉都好緊，可以拉番多少少筋，慢慢跑一陣好多時就可以回復速度。

你有跑開二十四小時嘅比賽，中途點樣戰勝精神 / 肉體嘅疲倦 ？
依個活動同二十四小時賽有D唔同，街跑時仲要留意跑步路線、四周環境、補給位，會比二十四小時賽要求更多。

建議可以搵人同你一齊跑，有共同目標，互相鼓勵，一齊傾下計，時間同距離都過得快D。
唔好一諗就諗仲有幾多公里到終點，只需諗幾多公里到下一個補給位，咁樣一個補給位一個補給位咁過，就好快到終點。

圖片來源：Sze Sir Facebook