相隔兩個月再入塔門，原本想睇吓弓背灣及疊石一帶石灘的海岸垃圾情況。沒想到因為中秋長假最後一日的關係，一上到塔門大草地，就發現觀景亭內外、附近草地滿佈垃圾，包括：膠樽、膠袋、鋁罐、紙包飲品、膠袋、飯盒、紙箱、紙巾、氣罐、燒烤叉、廚餘、鋁煲、平底鍋、大帆布、風筝等。明明相隔 10 - 20 米就有垃圾桶站卻視若無睹，部分丟在地面的垃圾包更有食物殘渣，相信不少牛牛已將混有食物的塑膠垃圾吞落肚。
|
|
▲ 塔門大草地觀景亭滿佈垃圾，相信不少牛牛已將混有食物的塑膠垃圾吞落肚。 | |
亭內的遊人見到此情況完全無動於衷，故我不禁口頭罵了佢哋幾句及爆粗：「點解啲人咁無公德心留低如此多的露營野餐垃圾？點解做唔到『自己垃圾、自己帶走』嘅郊遊最基本守則？你地山長水遠入黎郊遊，竟然留低咁多垃圾對待牛牛。」
 |
|
|
▲ 其實附近就有垃圾站，
為何不把垃圾放進去呢？
|
▲ 因為看不過眼，最後自發清理垃圾，加起來約 20kg 以上。 |
之後睇唔過眼去了鄰近垃圾桶站拎了掃把、垃圾鏟花了 1 小時大掃除，共清理 3 大袋垃圾及搬走 2 大箱垃圾，加埋約有 20kg 以上，清乾淨個亭及草地令牛牛不用眼冤對住遊人留低嘅垃圾。此行真係見盡人類醜惡的一面，政府的公民教育、環保減廢教育完全失敗，多數人都係各家自掃門前雪、事不關己、己不勞心的心態。昨日立場新聞提到嘅橋咀島棄置垃圾新聞，今日所見塔門的情況，令我體會到近年社會運動講“自己香港自己救”，我睇班遊人真係無得救。
 |
|
▲多得牛叔借出的手推車，才順利將 6 袋海岸垃圾及 3 袋遊人留下的垃圾送往碼頭，
右面大多數是牛叔用擔挑揹下來的垃圾。
|
下午往疊石途中，遇上清潔叔叔牛叔，見佢用擔挑孭住好重嘅垃圾落碼頭，真係感到難過。佢每日要用擔挑由疊石對上共 3 個桶站擔垃圾落碼頭，遊人在長假製造嘅超多垃圾量只會令牛叔走多幾轉先清得晒。要遊人做到「山野無痕、零廢郊野」似乎好遙遠，但將原本由市區帶來的垃圾帶落碼頭處理好難嗎？
 |
 |
▲ 海岸垃圾不少是纏在竹支上的硬膠條尼龍繩，更有多個沾上黑色油脂的膠樽。 | |
最後去了塔門弓背灣石灘，先著手清理 3 袋海岸垃圾，久未清理的發泡膠已逐漸變成碎麥片狀的膠粒，午間花了不少時間剪下纏在竹支上的硬膠條尼龍繩，清理期間發現少量黑色油脂的蹤跡。之後沿石灘視察，發現石灘右邊較少垃圾，中間位置則有多卷纏在竹木上的纜繩及漁網，左面遠處的灘面有大量沖上岸的膠樽（坐標：N22.47162，E114.36392)。
其後轉戰疊石右面石灘，灘上平均散佈不同種類的海岸垃圾，亦有不少大件發泡膠，期間發現多個沾上黑色油脂的膠樽(坐標：N22.46647，E114.36256)。在此清理3袋海岸垃圾才離開。
圖/文：Fong Ping
編輯/美術：K
