【心得】打敗這兩個藉口!女孩們起跑吧

運動筆記HK 編輯部
發表於2015/04/09
1,568次點閱
0人收藏
加入收藏


(圖片來源:Nancy@WeakEndsHere)


曾經,我運動細胞是負數,有關跑步的回憶都是悲慘的,前幾年扮有義氣地頂替朋友參加800米賽跑,跑完面青唇白似要陣亡。

現在,我喜歡跑步一年多,已經完成兩次半馬賽事,連自己都覺得不可思議。


當我邀請美女們一起跑時,她們所講的所有藉口我。都。講。過,讓我們逐點擊破,一起為健康美麗起跑吧!


“跑步?我唔得架!我跑得幾圈就要停/好辛苦/跑完會腳痛或腳粗”


其實我地都係想做下運動keep下fit,都唔係要攞獎,先不要衝動跑太多太快。不妨先用8分鐘一公里的步速跑3公里,跑順之後才加操。因為我地廿幾年都冇跑過(笑),剛開始時,跑步用既肌肉群組會對你做既動作好陌生,令你容易感到疲勞和酸軟。但跑得多左密左後,肌肉有你努力過既記憶,呼吸和腳步亦能配合節奏,就唔會再咁痛(即係你已經升左呢),所以捱過左一開始既痛就無事架啦! 


另一方面,每次跑完都要多拉筋,跑完勁累唔想郁?我明。但跑完拉埋筋先可以改善腿部線條、放鬆肌肉和無咁酸痛。最好配合唔同器材按摩,令肌肉更放鬆(請自行google/淘寶: foam roller) 。我還喜歡跑步翌日上瑜伽班,拉得更全面,將痛苦減到最低,同時亦可以美化腿部線條。


“悶/圍住個圈跑都唔知做咩”


我試過跑運動場計圈,心算到6-7個圈已經好亂,重覆既跑道的確容易令人氣餒;不如搵一條屋企附近既街道跑跑吧!既可以了解附近社區,又可以呼吸新鮮空氣,多一點新鮮感!


另外,加入不同的跑會會直接增加跑步樂趣,我加入WeakEndsHere後,認識很多好玩的跑友,學左唔同的跑步知識,令我更堅持跑下去。有一班好的跑友,絕對是跑步的動力,當然你的男友也愛跑,就更加加分啦(笑)!


動力之二,就是參加不同跑步賽事,為自己訂立目標。坊間有好些比賽歡迎初心者參與,例如世界癌症研究基金會的「蕉拼日」(3、5公里),聯合國兒童基金會的「慈善跑」(5公里),你可以按自己能力的報名參與,感受一下比賽氣氛,每次完成賽事都會十分有滿足感呢!當你有能力跑更遠(那時你大概已經愛上跑步了吧),再參加全城盛事香港渣打馬拉松(10公里、半馬21公里或全馬42.1公里),或參與海外馬拉松(大多是半馬或全馬),就更有歡笑。我在2014年12月完成過柬埔寨半馬拉松,現在想起也覺得十分有趣難忘,正在期待下次海外賽事呢!


最後,謹記為自己購入舒適及美麗的跑步裝束(唔跑得都睇得,哈哈!),跑步時用不同的apps或運動手錶為跑步練習做記錄(還可以將跑步靚相上載Facebook/Instagram),看著自己進步,也會充滿滿足感及有動力努力下去!



(圖片來源:Nancy@WeakEndsHere)


我就是這樣子一步一步,跑到今天。我很喜歡這個趕走懶惰、愛跑步的自己。


趁夏季未到,各位美女,快快踢走所有藉口,一起起動跑步吧!☺


猜你還想看:


名古屋女子馬拉松 幸福知多少?


首個女生專屬10k賽 「既期待又怕跑太快」


女性運動員三症候群(上)


*跑步心得 盡在運動筆記*