當最可靠的工具是雙腳時 - 跑步返工必備良伴

Ah Da
發表於2019/03/19
4,526次點閱
0人收藏
加入收藏

今日跑步返工,原因你懂的。再講香港如何宜居都無謂,不如行動最實際。唔跑唔知身體好,唔跑唔知土瓜灣朝早好多中年、長者踩單車代步。自問單車方面連Weekend Driver也不是,只是夠膽喺外國鼓勵踩單車的城市旅行,先敢戴頭盔喺馬路與車同行,根本是Holiday Driver。


當公共交通工具都不可靠,最可靠就係雙腳。由九龍東過海到港島西,點都要搭程船。啟德承啟道開通後,直達尖沙咀碼頭,大概九公里。搭六分鐘船到中環,沿海傍兩三公里就到。九成都係平路又無燈位。


搵到條路線之後,就係要搵個背包。上星期網購,恨咗好耐嘅運動筆記跑步裝備包(第二代),本來諗住跑比賽先用,今日開箱成為跑返工良伴。喺網絡世界見咗第一代都有一段時間,有藍、黑、紫三色。上個月一個人去京都初馬,見到有人揹住個紫色,估計係台灣人,突然好有親切感。第二代最主要分別是防潑水、背部設計,同埋有個側網袋放水壺。香港暫時只可以網購第二代,只有黑白兩色,好怕整污糟,但猶豫咗一陣,都係買咗白色。


可收可放鞋隔

最吸引我之處就係個鞋隔,有需要先至開嚟用,無需要就收埋。因為唔想成日洗個背包,所以我加多個薄身鞋袋。鞋隔一半係網,就咁放對比賽著完嘅鞋都應該唔會焗住。

相入面個淺啡色鞋袋唔關事,只係我自己加嚟用
收埋鞋隔個樣


實用側袋

一邊係有個細袋,可以放八達通、紙巾、毛巾、補給食物、甚至電話;同一邊有條打直拉鍊,本來係話放遮,今日天氣好,放咗太陽眼鏡盒;右邊都有條打直拉鍊,今日我就放咗護膚用品如防曬。個水壺袋係第二代先有,今日放個膠樽跑都無飛出嚟,當然圖中京都馬暖水壺只係想俾大家睇吓個水壺(佢真係好靚啊!)

兩邊都有打直拉鍊,深度同高度夠放太陽眼鏡盒、縮骨遮或防曬,一邊有個細側袋,放到紙巾同八達通
另一邊同樣有側袋,二代織網水壺隔


細心暗袋

其實本身都有一個黑色薄身背包,跑返工都係用佢,但係個水壺網袋唔知點解穿咗,同埋嗰個係防水袋設計,無分暗袋間隔。至於呢個袋,官網介紹個透明袋可以放號碼布,但係我估香港比賽號碼布可能太大,未必啱size。反而如果真係落好大雨,呢個透明袋防水都可能有用。雖然二代比一代先進,可以防潑水,但唔排除真係好大雨都會倒水咁淋落嚟,呢樣就唔知點。至於頂嗰隔,我今朝係放咗補給食物同埋無線耳機個充電盒。放多個摺埋嘅Tote Bag都得,大家參加比賽都預攞奬盃嘛,又或者會有好多現場禮物呢!


揹帶舒服,整體夠挺

兩條揹帶都有層薄海綿,加上又係第二代先至有嘅「背部立體減壓支撐設計」比較特別。今朝都幾熱,濕度又高,著背心慢跑都大汗,比起本身有黑色薄而軟身嗰個背包,扣埋胸帶,跑起嚟個袋挺啲,又唔係好抛,舒服啲。感覺相對貼身同有啲熱,但又唔係焗。內籠係有一條打横嘅拉鍊,官網話可以放手提電腦,我又無本事揹埋嚟跑返工,不過個Size應該係放得落Pad或者Tablet。當背部係用咗海綿,要整體輕身,內籠就係薄尼龍,兩側都仲有小暗格。唔駛擔心個袋太大,要潛隻手入去搵嘢,因為兩邊都有拉鍊。

放到A4 膠Folder,放埋替換衫褲同沖身用品都得
側袋可以好輕鬆攞嘢


跑步標語布章

作為一個跑者,自我鼓勵係日常。比起常見英文,繁體字嚟得親切。同台灣網購有啲唔同,喺香港網購,一個袋只可以跟一款。呢款金黑設計都幾靚。幫朋友買的是「只有累積沒有奇蹟」是黃字黑底。暫時香港網購無得淨買布章,用魔術貼都無得換。


買之前都有諗過搵次去開台灣買咗托返嚟。因為唔見香港有網購,台灣網又唔寄香港,最近發現香港可以網購,除咗設計同功能,比較俾大家睇吓經開台灣買同喺香港買有咩唔同: 

香港 台灣
只有第二代(黑白兩色) 第一代(黑紫藍三色),第二代(黑白兩色)
只可訂一個或兩個 (兩個慳少少) 可以訂一個、兩個或十個(團購)
第二代:一個袋一個新款自選跑步標語布章 第二代:一個袋送一個經典跑步標語布章加一個新款跑步標語布章(隨機款)

開埋個鞋袋就係咁嘅樣

今朝揹住佢跑咗12公里都無問題,個袋入面仲有份午餐!既然無車搭,不如用腳跑!

*喺香港3月11日買,3月12日通知出貨,3月14日就收到

香港網購傳送門:

一次買兩個 (可揀不同色不同章)

一次買一個