2月17日是馬拉松的大日子,大家都應該準備得八八九九。我們一班運動筆記攝影師,亦在努力準備之中,雖然我們影過很多大大少少比賽,就如你們也跑過不少比賽,經驗肯定累積了不少。但看著這個香港一年一度的馬拉松,我們每一位攝影師同各位參加者一樣,心情也是戰戰兢兢,像是一場大考似的。
2月17日,It’s a good day to set a record。今年 Polar 贊助運動筆記攝影師,沿途為大家加油打氣,用鏡頭為你記錄重要時刻。如果大家於跑道上看見鏡頭會精神起來,同樣我們攝影師看見大家對著鏡頭微笑下,也是十分鼓舞。
我們攝影師也是跑友,最明白你的感受;只要你跑,就是我們不辭勞苦拍照的理由。
以下是各位攝影師逐一為大家打氣.
艾頓 : 跑步過程縱使辛苦,值得回味的事卻很多,記得要好好享受。
EC Windblow : 想比賽無咁辛苦,跑快啲,快啲完囉。
Freebird : 都辛苦咗咁多個月,頂埋佢啦!
Terrence 大哥:信我啦,跑順咗就唔攰。唔好放棄!
Eddie : 肯跑步,敢比賽,咁叻仔叻女,抵讚!
Kanu : 轉下一個彎,轉下又一個彎,話咁快就到維園!
Thomas : 加油呀!跑緊張相先靚架!
Stanley : 我會幫你影低英姿,所以你都要跑靚啲。
Keith : 你跑得開心見到鏡頭又笑哂,瞓身影你又有乜所謂。
Ricky : 終點就係前面,頂埋佢。
Raymond : 目標唔係諗,係要 take action,努力達標。
Leo : 六十歲先係中年,大家咁青春,盡情燃燒吧。
Alex : 有信心唔一定贏,無信心就輸硬。信者得PB !
Buzz : 能夠參加馬拉松,你真係唔簡單。加油!
Cat : 無論你跑乜野時間,你一定贏咗自己先。
Tina : 當你跑到迷迷地,即係好接近尾聲,好接近終點,加油呀!
Kam : 只要唔停,唔認輸,你就一定係贏家!
Philip : 只要唔放棄,一定有機會PB。
Samuel : 跑得累嗎? 不要忘記你愛上跑步的初衷。
William : 勇於突破,勇敢地衝吧!
阿和:跑步初段唔好心急,中後段先可以加快!
有哥:PB 係大目標,賽道上跟住人跑係小目標,跟下跟下,大目標就會達到。