（圖片來源：雪雪）
山野之王聽就聽過，今日落場玩full course 西貢站38公里真係有啲難度，好「咁」。
昨天在毅行慶功宴食飯的時候多得各老手師兄提醒山野之王的補給站（除咗飲品）乜都冇，要自備糧草。今天路過補給站除咗工作人員熱情的打氣聲，真係乜都冇，蕉都冇隻。好彩背囊有一大堆自備食物。
（圖片來源：雪雪）
比賽前一晚download 路線gpx file，再仔細睇一次路線全圖，然後發現中伏了。除麥徑三段，大部分路線沒有行過，腦海沒有路線圖戰戰兢兢就出發。不要做最後一個回終點返嚟已經很感激！
多得隻錶，將比賽路線高度圖化，行甩咗少少它佢會自動提提醒行回正路。全程行得好安心，就算偶爾前後冇人影都可以跟住Garmin錶照行。
（圖片來源：雪雪）
今次第一次比賽特意不用手杖，uphill全程靠自己撐上去，訓練弱弱的雙腿。山野之王便當作目標大比賽的訓練賽，幾個月先見到訓練成果吧。
和跑班同學一起變強大，仲有一場一月的山野之王。
山野之王 2018
日期：2018年12月2日 （日）
起步時間：9:00
起點：北潭涌
路線：西貢半島環繞一圈
距離：38公里
時間：6小時44分鐘
均速：10.4分鐘/公里
亮點：現在感覺被行100公里的毅行更辛苦
（免責聲明: 訓練涉及風險，完賽時間有時會大幅波動，時間可快亦可慢，更可變得DNF。已投資的時間金錢未必一定能夠賺取完賽獎牌，反而可能會招致心靈損失，往績數字並非未來表現的指標。登記比賽前應先閱讀有關賽事的路線文件、補給及相關的風險聲明， 並應就本身的能力、其他狀況及目標詳細考慮並考慮決定是否切合本身特定的長遠目標。若有需要更應諮詢獨立之教練、同伴、牢頭及其他專業意見，方可作出有關訓練參賽決定。）
延伸閱讀
