真心求問，有幾多個毅行者support team, 係自備容器買外賣食物上去俾參加者？
就我係度數小時觀察，十個有九個support team 都係用即棄外賣餐具，即使係個度煮野食既朋友，都係用紙牒膠牒膠杯膠叉膠羹，endless膠同無限外賣充斥即個check point。
而呢堆又膠又廢既垃圾，最後係邊個負責，捉左個姐姐靜靜雞問，原來，今晚只係得一組毅行參加者既數目，加多一個，即共「五大個」清潔姐姐幫手清呢個山頭加廁所垃圾。
問姐姐清左幾多轉，佢無奈笑笑：「我都數唔到幾多轉囉。」
當我忍唔住開口係場地大叫：「呢個山頭只係得五個姐姐清潔垃圾，佢地已經做到非常辛苦，麻煩大家將可以回收既野都羅去回收（感謝綠惜地球幫手係活動做回收）。」
但姐姐即時㩒住我：「唔好呀，我地會俾人鬧架，唔好講呀。」
聽完我個心沉到落黑洞。
Checkpoint 個十數個垃圾桶裝滿既速度仲快過係旺角街頭既垃圾桶，仲要每個240公升既垃圾桶袋袋垃圾都成十幾公斤重，我嘗試過幫姐姐搬其中一袋垃圾，但真係無能為力，望住仲瘦弱過我既姐姐去拉去扯袋垃圾，仲要由今晚清到聽朝，我真係唔知佢地上世做錯左d 咩事今世要受d 咁既苦。
其實，真正既毅行者，應該係呢五隻手指數得哂由朝做到晚再做到朝仲要處理數百公斤垃圾既清潔姐姐。
我唔係怪參加者，行一百公里山真係能人所不能既事，亦都知特登上山頭幫手做support team 既朋友非常有心，但係既然大家可以體諒到參加者咁辛苦而山長水遠去support 佢地，可唔可以請大家同時將呢份體諒同支持同樣放返起清潔姐姐身上，減輕佢地既負擔？
我知道呢個呼籲未免太遲，即使今年唔得，下年都希望大會可以提醒返大家，大家support team 可以日行一善：
1. 如果買外賣，不如真係自備餐具送外賣再帶返走返去洗
2. 如果係個度煮既其實可以用可重用餐具黎裝食物 (絕對有人係咁做）
3. 如果你地真係係無可選擇之下用即棄餐具買外賣，能否拜託你地自己帶走埋d 篤眼篤鼻既垃圾？自己垃圾自己帶走毅行者活動也適用
原文：https://www.facebook.com/grebbish/posts/1163764570465289
伸延閱讀
