「昂步棧道2019」競賽組精英29公里:跑山競賽好手終極體能考驗

發表於2018/11/10
2,068次點閱
人收藏
加入收藏

路線:東涌東薈城名店倉 (起點) → 黃龍坑郊遊徑 → 爛頭營 → 伯公坳 (檢查站) → 南大嶼郊遊徑 → 鳳凰徑 10 段 → 石壁水塘 (檢查站) → 石壁郊遊徑 → YHA昂坪戴維斯青年旅舍 (檢查站) → 彌勒山郊遊徑 → 昂坪360 救援徑 → 東涌東薈城名店倉 (終點)


今日我哋將會為大家介紹「昂步棧道」今屆最長嘅路線—全程29公里嘅大嶼山跑徑。除咗可以感受下專業選手嘅歷程,同時亦係挑戰自己毅力同體能嘅好機會。如果喺陽光充足嘅情況下由東薈城出發,仲有機會見到鳳凰山山頂架!想參加精英29公里嘅跑山好手,可以喺度熟悉下路線,而未有興趣嘅朋友仔,都可以當行山攻略睇下!


當日喺東薈城出發之後,經過東堤灣畔行人路、隧道、天橋,就會到黃龍坑道口,再向前行就會見到古蹟東涌天后宮。相傳呢間全石造嘅廟,曾經喺清末海盜橫行時,保護村民避過一劫,村民此後對天后都敬奉有加。


到達起點

沿黄龍坑道行到尾,見到水務署嘅入口後,一直行就到黃龍坑郊遊徑起點啦!一開始最辛苦係連綿不斷嘅石階,加上梯級上落差大,而且悶熱又濕,一直咁行其實都幾攰,記住保留體力喺後段路呀!


經過一大段嘅樓梯,就準備挑戰爛頭營啦!沿路行多一陣就開始見到啲石屋仔同怪石,村民又名之「爛頭山」,眺望附近嘅環境亦都十分優美同舒服。沿大東山山腰跑,大嶼山南部景色盡入眼簾,邊欣賞而個旅遊熱點,邊比賽!好快就會到Check-point 1-伯公坳啦,準備進攻鳳凰徑10段!


下一站 出發鳳凰徑10

完成黃龍坑郊遊徑後,經過埋大東山同二東山之間嘅山坳抵伯公坳,就會到鳳凰徑10段。該段沿途十分平坦易走,環境清幽,更可以喺高處觀賞長沙同塘福嘅沙灘。講多少少畀大家知,長沙上村海濱出土咗大量新石器時期、青銅器時期同唐代等文化遺存,係香港五大考古遺址之一。


之後就到路線嘅Check-point 2-石壁水塘,沿岸有陡峭嘅山坡同岩石形成獨特嘅風景。經過閘口直走,橫過引水道就係石壁郊遊徑嘅入口。巡石壁郊遊徑上攀過一段斜嘅梯級,大部分路段嘅坡度較緩,中後段視野無阻,難度不高。若配合時節,更有機會遇上多種野生杜鵑。


準備回程

行完石壁郊遊徑,會到Check-point 3 -YHA昂坪戴維斯青年旅舍嘅檢查站,補充一下體力之後,就到最後嘅挑戰-彌勒山郊遊徑!喺昂坪360救援徑嘅木棧道上沿住一架又一架纜車嘅軌跡,跑回終點東薈城名店倉作結,全程時限8小時。


呢個山賽路線都算幾豐富,如果想挑戰自己,就快啲報名參加啦!


活動日期:2019年1月20日 (星期日)

起點及終點:東涌東薈城名店倉露天廣場

詳情及報名方法:http://npcw.yha.org.hk

報名日期:即日起至12月2日 (星期日)


延伸閱讀

「昂步棧道 2019」樂行組路線-生態10公里 發掘大嶼山自然景觀之美

【圍威喂最正 !】Polar Vantage Challenge 越野跑2019

沙田節2019迎新春半馬拉松長跑比賽