「昂步棧道 2019」樂行組路線-生態10公里 發掘大嶼山自然景觀之美

發表於2018/11/10
3,345次點閱
人收藏
加入收藏

「昂步棧道2019」共設有一條樂行組路線及兩條競賽組路線,難度各異。每年樂行組路線都係最多人參加架!藉步行遠足方式,同家人及好友歡樂共聚,去大嶼山享受慢活時光,黎個趣味生態行!


參加者將由東薈城名店倉廣場出發,途經石門甲欣賞沿途自然風景,並參觀YHA昂坪戴維斯青年旅舍附近的「心經簡林」木刻佛經群。回程更可免費乘坐昂坪 360 纜車,遠眺遼闊的南中國海及機場全景,俯瞰翠綠的北大嶼山郊野公園,最後返回東薈城名店倉廣場作結,全程約4小時。為宣傳保育大嶼山自然環境的重要性,可持續大嶼辦事處更在沿途將加入互動小遊戲,讓參加者一邊慈善步行,一邊認識大嶼山珍貴的自然生態。


今日我地率先帶大家試行「生態10公里」路線!平時小行山嘅我,一路行都覺得幾輕鬆,沿路都有好多風景同影相位,亦都可以遠距離見到大佛,影相打卡一流!雖然沿路有上斜同樓梯,但都有唔小休息嘅位置,所以十分推薦給行山新手和家庭架!


當日,我們10點就係東涌東薈城名店倉廣場出發,沿消防局一直行,經過天橋再向東涌炮台方向上山。本來早上天陰陰,以為想落雨,天公造美,竟然全程不但沒有下雨而且有涼風作伴,所以行得非常舒服!


經過東涌炮台後沿路經過學校公屋一直行入去就會開始有小斜路,再上就會到達公廁。過左公廁就係正式上山啦,起初天氣俾較熱所以消耗嘅能力俾較多,所以水係呢個時候好重要!好重要!好重要!因為很重要所以要講3次!哈哈。活動當日記得補充水份!


走左大約一小時半,就會係旁邊見到機場跑道,而飛機小得像粒粒飛行棋,好彩嘅話仲會睇看到飛機升降,幾有Feel架!呢到都係其中一個影相位!另外,呢到可以俯瞰整個東涌市中心睇到東涌由以前嘅新市鎮發展到今日多姿多彩嘅市中心。


到咗心經簡林木刻佛經群,代表大家就快到Check-point 1啦!難得行到上嚟當然要打個卡啦!路線都有分兩邊,一邊就係去鳳凰山,而另一邊就係我地要去嘅YHA昂坪戴維斯青年旅舍檢查站。活動當日,檢查站會有足夠野食同飲品俾大家補給,仲可以同活動大使Angry birds 影下相,玩下遊戲!係旅舍小休一下,補充精力,就向終點出發啦!沿住彌勒山郊遊徑,行落360纜車站,經過接近4小時嘅旅途,終於見到纜車係頭頂漂過啦!我地亦都有同纜車入面嘅旅行市民打招呼歡呼,亦都恭喜我地到昂坪市集啦!最後各位參加者都可以免費乘坐單車落返東涌東薈城就完結整日賽事。


整條路線途中有休息嘅地方同影相打卡位,都唔算行得太辛苦!非常鼓勵對行山初哥,同埋有小朋友嘅家長一齊感受下大自然,了解香港生態價值,未嘗為生活其中一個樂趣!


活動日期:2019年1月20日 (星期日)
起點及終點:東涌東薈城名店倉露天廣場
詳情及報名方法:http://npcw.yha.org.hk

報名日期:即日起至12月2日 (星期日)



延伸閱讀

【圍威喂最正 !】Polar Vantage Challenge 越野跑2019

沙田節2019迎新春半馬拉松長跑比賽

LINE FRIENDS RUN 2018 HONG KONG 正式開始報名