全家上陣跑迪士尼 享受天倫樂

艾頓
發表於2018/07/04
2,486次點閱
人收藏
加入收藏


今次訪問了一個連續兩年都有參加迪士尼10K Weekend 的一個家庭。爸爸黎健輝 Kerry 早幾年參加了一個跑步比賽,一試愛上,自己勤力練跑之餘,更加同太太仔仔一齊跑。Kerry 當初留意到一屆迪士尼10K Weekend,就決定帶同仔仔一齊玩,當時他們太小,只能跑200米的兒童跑。今年大仔卓諾及二仔卓霖都已經超過 5 歲,所以可以升級參加反斗奇兵3公里跑 。



點解同小朋友跑步做運動?

Kerry 一向主張小朋友應該多做運動,因可以鍛鍊他們的身體及意志。他亦明白要仔仔做運動自己要先做好個榜樣,身體力行,才可以鼓勵他們一齊做運動。他看見不少「港孩」,很怕流汗,路程遠一點也嚷著要乘的士,所以很怕兩個小朋友會變成「港孩」。媽咪周凱盈 Kaby 亦說「做咗運動之後睇少咗好多醫生。」

Kerry 平時都會抽時間帶仔仔打球及跑步,最後發覺不只對小朋友好,連他自己也感覺年輕了不少,又可以減輕工作壓力。另外,現在卓諾及卓霖也有參加運動訓練課程,卓諾在學網球,卓霖在學游泳。雖然做運動之後兩個仔仔比以前更活潑好動,但 Kerry 同時發覺他們跟了從教練之後,習慣了接受指令,卓諾及卓霖的紀律性也改善不少。

Kerry 及 Kaby  亦同時希望他們學懂恆心與毅力,所以經常陪伴他們練習與比賽。為免他們太著重結果,會引導他們留心練習多於輸贏,比賽的時候「畀佢地感受到屋企嘅支持。開心,唔係逼出來」。



點解參加迪士尼嘅跑步比賽?

當時 Kerry 見到 迪士尼第一次辦比賽,知道有很多迪士尼人物跟跑手打氣,相信氣氛一定好好,同時設有 200米跑,所以同太太 Kaby 帶兩個仔仔跑,又可以玩又可以做運動。所以就全家報名參加。

Kaby 更大贊 迪士尼10K Weekend 對家庭及小朋友好體貼,把參加者照顧得好好,特別是專門有兒童水站,讓小朋友可以自己去取水補給。「上年佢地好開心咁去自己攞水,見到大哥哥大姐姐好好人咁向佢地派水,讓他們有一種被尊重嘅感覺」。


上年參加 200米,今年跑 3公里,點樣準備?

Kerry 表示一對小朋友一向有做開運動,所以亦不會特別去準備 3公里跑。「跑唔到咪行,反正一定會完成到」。最緊要他們覺得好玩同開心。大仔卓諾也搶著表示「我十公里都得啦!」,看來黎氏一家平時的親子運動已經令兩個仔仔面對挑戰都充滿信心。Kaby 也很期待今年首次跑進樂園內,兩個仔仔應該會「開心到癲咗!」


後記

小編看著黎氏一家五口(卓諾及卓霖之外,還有一位5個月大的卓靈),Kerry、Kaby、卓諾、卓霖四個,你一言我一語的搶白,深深感受到那種親密溫馨的關係。他們一家人從跑步做運動之中已經得到了最珍貴的東西。

有關「香港迪士尼樂園 10K Weekend 2018 - AIA Vitality健康程式全力支持」

一年一度的迪士尼跑步活動「香港迪士尼樂園10K Weekend 2018 - AIA Vitality健康程式全力支持」載譽歸來,規模比以往更盛大、更熱鬧,更會加入眾多迪士尼.彼思的好友及故事元素,絕對是適合一家大小參與的城中跑步盛事!今年,超過100位來自迪士尼.彼思電影如《反斗奇兵》、《怪獸大學》和《超人特工隊》的多位角色、迪士尼朋友和表演者,在比賽當日在香港迪士尼樂園度假區(「香港迪士尼」)不同角落,為跑步健兒打打氣,一起拍照,創造獨特非凡的精彩體驗。

比賽將於11月3至4日舉行,一連兩天將設有不同比賽項目,適合各個年齡組別的健兒,當中包括:推動每位健兒爆發如超人般耐力的「超人特工隊10公里跑」、讓你一試挑戰夢想的「怪獸大學5公里跑」、親子反斗跑餐飽的「反斗奇兵3公里跑」;以及讓所有小小健兒盡情跑、盡情笑的「米奇與好友兒童跑」。


大會報名網頁:http://www.hongkongdisneyland.com/events/10k-weekend-2018/



伸延閱讀
OL、學生、運動員 笑談參加香港迪士尼樂園 10K 的理由
過百卡通人物任影 香港迪士尼樂園 10K Weekend 2018