（圖片來源：http://www.chirunning.com/）

Jane Tse 係乜水?

（圖片來源：http://www.chirunning.com/）

大家好! 我是ChiRunning Certified Instructor - Jane Tse. 我有部份的學生會叫我掌門人. 原因? 因為我係香港第一個, 亦都係唯一嘅ChiRunning認證教練; 誇張啲咁講, 係大中華第一個亦都係唯一嘅ChiRunning認證教練 (同我熟嘅朋友, 係呢個時候就會叫我食藥, 咔咔咔!) 認識運動筆記嘅朋友, 始於去年六月, 我被邀請到台灣教授ChiRunning. 那次認識了徐敦傑, 台灣版的編輯, 印象中, 他有點瘦,不太說話, 其實佢好大隻又寫得一手好詩. 原來佢都係一個ChiRunner, 仲二話不說幫我做助教. 今次運動筆記出香港版, 我當然義不容辭推薦身邊跑得又寫得嘅朋友啦.

ChiRunning 係乜?

不如從中文名講起. 台灣禾宏文化出版嘅中文譯本叫”氣功跑步”, 其實有的誤導. ChiRunning 的 formula 係 Chi+Running (= ChiRunning!). 而 Chi 係 Tai Chi (太極) 個 Chi, 唔係氣功 (Qi Gong) 個 Qi… 查實連串法都唔同 (滴汗中!) 講完Chi, 要講下Running. Running 可以拆開變成 Run + 擰 (ning). “擰 “ 同太極拳走螺旋嘅概念吻合. (估唔到個英文名咁有意思, 佩服! 佩服!) 咁ChiRunning 即係乜嘢呢? ChiRunning, 最近國內出版商譯成太極跑, 係將太極棉裏針, 中正, 螺旋這幾個概念, 運用在跑步動作中, 創造了一個自成一格嘅跑步派別. 

ChiRunner 又係點架?

ChiRunners 就係用ChiRunning 嘅方法同理念跑步嘅runners. 要成為ChiRunners當然要上堂同埋練習啦, 上堂嘅時候佢地會聽到啲好得意嘅嘢; 例如: “我哋係唔用對腳跑步架”, “跑得快係結果,唔係目標” (初期同人咁講, 都好驚俾人打>.<) 練習馬拉松嘅時候亦都經常聽到一啲聽咗唔明, 再諗仲唔明白嘅嘢; 例如 : “我哋跑長課係用距離去計算時間, 唔係用時間去計選距離”, “循序漸進, 努力修行. 時候未到, 不要強求” (…OMG 要加埋阿彌陀佛嗎?).  

以我嘅睇法, ChiRunners 可以理解為對跑步有無比嘅熱情同謙虛學習精神嘅跑者, 跑步對他們來說不單是一種運動, 也是一種修煉.  在二十星期的馬拉松訓練課程裏, 每次練習, 我們要聆聽身體的反應, 然後不斷重複學習, 修正及改善. 跑步手表和其他裝備當然擔當其所屬功能, 但最重要學懂順應環境, 讓我們跑得更好, 更有效率. ChiRunners 對PB抱開放態度, 懂得建立多元化的目標提升身心靈品質, 手段溫柔, 過程舒暢. 爽！

ChiRunning 本書睇唔明

其實最多人唔明白嘅係Pelvic Rotation. 骨盆運轉, 因為要讓骨盆運轉自然發生, 需要多個先決條件. 所以一般讀者, 一邊看書一邊單獨練習, 很容易會顧此失彼, 練習完姿勢後, 去嘗試擺手,  跟住又玩下步幅步頻, 唔識得分先後次序去練習, 建立唔到完整又統一嘅跑步動作,  結果係可能會因此而受傷, 適得其反. 因為好多人係嘗試嘅時候, 身體過度前傾, 但係整體姿勢未能配合, 對大腿, 膝蓋及腰部加重負荷。