渣打馬拉松完結之後,好多人都要去睇物理治療!當中有好多腳痛嘅問題,好似足底筋膜炎、小腿拉傷、大腿拉傷、甚至坐骨神經痛 ......
一個最常見嘅組合,就係沉睡嘅股大肌 (gluteus Maximus),配搭超級緊嘅小腿(calf)。
幫助我哋向前推動嘅肌肉,主要有3組:
小腿肌肉(腳腕)
四頭肌(膝頭)
股大肌(髖關節)
本來3兄弟,分工良好,無咩問題。
但係由於現代人坐低嘅時間越嚟越長,寬關節處於90度直角嘅屈曲狀態,股大肌被拉長,慢慢就喪失了應有的力量。
股大肌放左假,走動時四頭肌同小腿肌肉自然要開 OT,出現過度工作的情況!如果呢個時候,突然間加強跑步嘅訓練強度或者里數,四頭肌同小腿肌肉嘅負荷大增,就會出現問題!最常見嘅問題,就係小腿長期崩緊,導致足底筋膜緊張,引發足底筋膜炎同埋小腿痛。
由於小腿崩緊嘅原因係小腿需要做埋股大肌嘅工作,無論我哋點樣拉筋,同埋用foam roller 去放鬆小腿,往往都唔能夠長遠根治。透過動態檢測 (movement assessment) 和肌肉控制測試,治療師可以找出3兄弟之間邊個係太勤力,邊個太懶。再作出針對性的治療
腦袋控制肌肉,肌肉控制骨頭。
腦袋➡️肌肉➡️骨頭
要擊退痛症,先要調整腦袋的發力模式!
延伸閱讀