（圖片來源：Viola Shum @運動筆記HK）
個人認為，雖然梁跑手不問自取既行為係唔啱，但其行為又未致於極度嚴重影響到其他對手，而大會亦已經即時採用了最高刑罰去DQ佢（沒有考慮採用較輕的加時形式），實際上佢已經得到應有的懲罰，畢竟呢100k佢係真真正正親自地去完成的！大家都係跑手，如果咁辛苦跑完一場很好成績的100k就咁比人DQ左，點都會覺得可惜，所以對佢來說應該已經受到十分之大的處罰！既然已經受到處罰，而所犯錯誤亦罪不致死，大家是否都應該要比個機會人地改過？試問誰人無過呢？
至於亦有人覺得佢臨衝線時走short cut，而我自己初初玩山在這裡衝線的時候，也很自然地照衝左落去...不過之後又要兜返上去原路衝線，唔熟識路線既跑手，其實真係以為好順咁衝左落去..我覺得佢又未必是刻意咁做。
所以希望大家可以停止對佢的網絡評擊，畢竟他絕對是一個相當有實力及很有潛質的跑手！希望大家不要因為別人一次所犯下的錯誤，而抹殺佢既將來！我亦好希望呢位十分之有潛質的跑手，將來可以再次來港或到海外繼續比賽，希望佢經歷過今次事件之後，明白到要遵守大會所訂的規舉去比賽，重新再次以真正實力去証明自己，今次能夠在咁多位高手前面衝線，證明到佢一定付出左好多努力在訓練上，我唔係幫住佢，亦不是要助長犯規歪風，我只是一個惜材之人，我其待佢可再次平地一聲雷，能夠再次光明正大地走出嬌人的成績。
少許題外話，我十年前亦曾與跑友們，到過雲南一些偏遠山區跟著當地體校集訓，當地人生活貧窮，能夠跑得快、有成績的，便可以爭取機會被挑選入省隊，工資水平便會比其他工作高一點，所以佢地都好刻苦地去綀跑，練習時跟不上的，教練就會用粗木棍狠狠地去打他們，係我地幾個香港人面前都會如常照打他們。
佢哋好多都出身貧窮農村，屋企人唔會有什麼家教可以教導佢地，而佢地細細個就已經被家人安排入體校，上堂主要都係日練夜練，跟本上學校都唔洗佢地點讀書上堂，只要在運動上出到成績，學校就會有獎勵，而學校亦比唔到任何知識、個人修養行為給他們。
我地幾個香港人同佢地生活過一、兩個月，佢哋會隨地吐痰、隨街掉垃圾、同檯食飯會吐骨頭在地上，因為由細到大都冇人教佢地應該要點做，當地文化個個都係咁做，佢哋自自然然都係咁做，但佢地個個都是心地善良、好肯幫助別人的人，只是大家生活文化上有所差異。
十年前同我們一起集訓的省隊朋友，部分成績入唔到國家隊的人，好多都會自己走了出來，為生計而轉走山賽去賺取獎金，因為佢地完全冇智識，唯有善用本身技能，跑山去賺取生活費，呢個可算是係佢地唯一既出路⋯⋯
我唔知梁晶情況是否相同，只不過我唔覺得佢係立心不良、不擇手段既人，可能佢亦是一個唔知文化、唔識規距既人，我相信有了今次的經驗，佢下次一定唔會再重犯過錯的。
以上純粹個人意見分享，不認同的也不需爭議。
延伸閱讀
