【渣馬】渣馬證書的計時 一直都係呃緊你

高達奔
發表於2015/01/31
1,109次點閱
0人收藏
加入收藏

渣馬之是是旦旦,唔單止喺派蒸餾水、派生蕉同蕉皮,而喺連一個比賽最最最基本的要求--「準確的計時」,搞咗接近廿年的渣馬,一樣喺求忍其、是忍旦。唔係講緊某些年先有的意外,一次半次的錯誤,而係咁多年黎都唔準確。

我哋其實已經好厚道,忍咗十幾廿年,到呢一兩年先發火。

渣馬的計時 只喺一堆垃圾數據

跑友TC在「罷跑一身輕:同渣馬算帳」一文,已經指出過去多屆的渣馬顯示的計時,只不過喺一堆垃圾數據:

渣馬個人成績證書上列有十公里、半程、卅公哩的時間,但從不說明是大會還是個人時間(後者由跑手過起點時起計,見下圖)。

更大的疑問是這三個距離的真確度。幾乎肯定,所謂「半程」並非全程 42.195 公哩的一半;

2013 年的證書上首次注明是 20.3 公哩,和半程相差 0.8 公哩。其它年度只印著「半程」,是否指 20.3 公哩就不得而知。

我有理由懷疑(詳看附錄),渣馬所提供的「半程」紀錄是垃圾數據。若「半程」其實不足 21.1 公哩,證書顯示的後半程時間就比實際上長了。真正做到前後半均的跑手,也會以為未如理想,是很大的打擊及誤導。

 

用下圖的 2011 證書為例,那年本人和精 B 隊友一起認真操練,以 17:49 小時成績成為「超級毅行隊」,四小時內完成渣馬;我有深刻印象,自已全程均速進行。

可是,按證書的分段紀錄折算,頭 10 公哩/10 至半程/半程至 30/20 至終點各段的每公哩速度分別為 5:37/4:44/5:41/5:22 分鐘。

第二段突然加速至 4:44,跟著慢至 5:41,最後再加速完成?

我沒這個收發自如的本事。若將半程改為 2013 證書上老實地招認的 20.3 公哩,才得出較接近均速的 5:37/5:06/5:21/5.22。

所以,這一年的「半程」肯定不夠長度。其它年份亦有類似的可疑段速。

cert


(圖片來源:高達奔)

今年的計時 又係是是旦旦


今年又如何?睇睇高達奔呢張相:

halfway point

(圖片來源:高達奔)


好清楚話畀你知:渣馬的半馬點,係無計時地毯的!今年證書列出的「半程時間」,一樣又喺唔準確的垃圾數據。

咁張地毯喺邊?無20.3公里差咁遠,但就係21公里塊牌後面。點解就連呢一百米,都擺唔準?

唔好話同外國比較咁高要求了,渣馬每個細節,由請秃鷹鳴槍、派生蕉到計時,都係曝露全體人員、由上至下,都喺冇人用心、用專業去做好最基本的事。無大家十九幾年的「包容」和「忍耐」,渣馬豈會如此地渣?

延伸閱讀:

罷跑一身輕:同渣馬算帳」,TC

渣馬吔蕉 熟可忍生不可忍」,高達奔

渣馬對受傷選手的不人道對待」,徐然

從渣馬看香港:為什麼我們總是要死人」,Edkin

參加者 只不過喺渣馬攞嚟自high打飛機嘅數字」,高達奔