【樂跑者言】關島馬拉松

樂跑者
發表於2016/12/24
2,689次點閱
0人收藏
加入收藏

(圖片來源:比賽官方網頁)

去外地旅遊兼跑馬拉松已經成為一個風氣。現時日本或台灣是比較流行的地點。去美國如三藩市跑馬亦有,但航程比較遠。最近的美國馬拉松在哪裡呢?答案就係關島嗱!

關島係二次世界大戰後成為美國建制領土,面積544平方公里,人口小於200,000。從香港到關島航程約5小時, 香港航空,聯合航空等都有直航機從香港出發。

關島馬拉松比起其它地區馬拉松選擇多,賽事有5K, 10K, 半馬及全馬。好適合跑手帶同非跑手的另一半去參加各自合適的距離。當然跑前跑後亦不要錯過遊覧下關島,享受一下熱帶風情。

關島位處熱帶區域,平均氣溫經常維持於24℃至31℃間,4月份亦不例外。為了令跑手不需係炎熱烈陽下比賽,賽事係凌晨3點(全馬), 凌晨4點(半馬), 凌晨5點(10K) 及凌晨6點(5K)就起跑。道路要係早上11點重開,所以全馬有7小時,半馬有6小時,10K有5小時,5K有4小時去完成,需然熱,但時間充裕。

賽道係開始頭1-2K及結尾時38-41K有斜路,其餘高低起伏不大。沿途大部份沿風景美麗的海岸線跑,好大機會可以一邊跑一邊欣賞日出美景。


(圖片來源:比賽官方網頁)

跑手會經過29次水站 (2個水站經過1次,12個水站經過兩次,1個水站經過3次),較後水站有輕食。不過半馬及全馬跑手當然都應該要自己預備能量棒。完賽後有水霧區幫跑手散熱,有按摩服務幫跑手消減疲勞,亦有能量飲品及輕食,當然唔小得完走獎牌啦!

完走後還可以參加6點半開始之完走者沙灘派對!

報名費比較貴,但有早鳥優惠,而且每個賽事組別起步前還有抽獎,獎品為來回亞洲及關島之機票。



賽事定於2017年4月9日,早啲報名啦!