重量：153克 / 5.5 安士（Size :
US7.5 / EU40.5 / JP25.5）
腳跟厚度： 12 mm腳掌厚度： 22mm鞋底落差：10 mm鞋楦：D(男裝)貼腳程度 : 適中
我前前後後已經著過8對Brooks，多數都係揀minimalist款式，Brooks minimalist 系列大概可以分為：睇得上眼同睇唔上眼兩種。唔好以為我講笑，若果對鞋你連望都唔想望多佢一眼，你又點會試佢，著佢？上星期，速遞員送咗一對香港未開售的最新款的Hyperion上門，打開一睇，咁花嘅。。。。因為工作需要，我對鞋嘅外表，容忍度比較高，點知一著上腳，拼埋鏡一睇，成對鞋嘅感覺就唔同晒，好smart，好contemporary，仲收到對腳的好靚。即刻加分！(註：哩對我著男裝款) 
Jane 話：好smart，好contemporary
（圖片來源：
Jane Tse）
Jane 話：好smart，好contemporary
（圖片來源：
Jane Tse）
吸震能力Check返Hyperion 嘅官方資料，對鞋特別之處是用了Brooks領先科技 BioMoGo DNA懂得配合主人的跑法和歩態特點，係佢遷就主人，幫助主人發揮得更好！唔怪得著左幾次之後，感覺對鞋特別fit對腳！與另外Brooks 嘅
PureConnect 4 and T7比較，PureConnect 4吸震較多，T7顯得有點不夠，而Hyperion嘅吸震能力相對兩對同門兄弟，著地果一下和轉換方向時，感覺就剛剛好。
Jane 手上的Brooks 一門三傑
（圖片來源：
Jane Tse）
Jane 手上的Brooks 一門三傑
（圖片來源：
Jane Tse）
抓地能力Hyperion係針對路跑比賽設計，外底設計極其輕量與簡化，只係關鍵受力位置，即是前掌同埋腳踭外側，設有外底的橡膠，前掌還是方格型狀(進一步偷輕)。著佢跑過街跑過運動場，發覺抓地感覺明顯，落斜路落樓梯都無問題。
外底設計極其輕量與簡化，濃濃的戰意（圗片來源：Brooks Running）
舒適程度Hyperion係Brooks 現時最輕嘅跑鞋，對鞋拎上手，感覺真係好輕，原來只係得 153g。循例將隻鞋摺一摺，好正！屈返轉頭都得。鞋頭同兩側都有好多個窿窿，而實際著住跑嘅感覺係透氣好，非常適合香港天氣穿著。鞋身用上全新布料，感覺薄而堅韌，更加係無縫設計，裡面無線口，真係唔著襪都得。雖然鞋脷都係薄薄地，但鞋帶同樣略寬而薄，拉緊左唔會覺得“銀”住腳面，綁上鞋帶亦包得好舒服。
鞋頭同兩側都有好多個窿窿幫助透氣（圖片來源：Brooks Running）
穩定性呢對鞋係比賽用鞋，設計盡情偷輕，所以鞋嘅橋弓位係完全冇support嘅， 如果你本身係扁平足嘅朋友, 就要特別留意啦，因為對你會覺得中掌位置好似空空洞洞咁，不過你可以調節鞋帶嘅鬆緊程度，輕易將本身好薄的無縫鞋面妥貼地包住全隻腳，可以放心盡情奔跑。
足弓位冇support，扁平足嘅朋友就留意啦（圖片來源：Brooks Running）
結論雖然Hyperion唔係強調支撐同穩定性，不過佢真係好輕，舒適度奇高，又有 Brooks 鎮山之寶嘅BioMoGo
DNA吸震技術，睇嚟，呢幾個月都會成日著住佢。 評分前掌吸震：5後掌吸震：7穩定性：4舒適程度 : 8抓地能力：5.5重量：8.5 註：各項評分以十分為滿分；第一至第五項評分以愈強愈高分；第六項重量評分以愈輕愈高分
