燈燈燈燈! 神奇員外燈!

Kei#2@PowBow
發表於2016/03/06
5,713次點閱
0人收藏
加入收藏

呢支燈 UltraSpire Lumen 600 係一支新出既 Waist Lamp。不過我用起上黎呢…發覺條腰發晒光呢單野…實在太爆趣好似古代員外條夜明珠既腰帶咁~所以索性幫佢改左個名員外燈。哈哈哈~


(圖片來源: Kei#2 @ Pow Bow)

講返轉頭係挑戰人生第一場 100 miles Trail Race - UTHK170 (另文再詳述) 前
一直有一個技術問題要解決,就係夜行照明既問題。作為一個眾所周知既敗家仔呢,我其實已經有三支Head Lamp 架啦分別係黑鑽暴風雨(係呀~ 家下興改譯名 比卡超 is no longer比卡超~ so sad~),NiteCore HC50 及 Zerba Night H600。

呢三支燈每一支都係獨當一面既,係我上山夜行同比賽既可靠拍擋。不過地球上無一件Product 係完美既,用 Head Lamp 雙手閒著,跑夜山係好爽既。但用頭燈一直存在最大問題就係…如果你要同時帶Visor係唔work既…個帽嘴正正 Block 晒d 光線。

你可能會話黑麻麻,無太陽你就除帽啦~天才。錯啦~ 如果你係一個四眼仔,雨戰下不論日頭晚下,無左頂 Visor 擋雨會係好煩既事。再簡言之 天黑 X 落雨 X visor X 四眼 X Head Lamp,呢個組合係攪吾掂既。

為左解決呢個技術問題,我試過用隱形眼鏡,但慢腳如我,每每要玩廿幾三十小時,隻眼係會乾爆同線野變差PK既。我又試過學日本選手,將支黑鑽暴風雨打斜 wrap 係身上,幾型仲幾似Ironman,但照射個角度麻麻,又會同 Race Vest 前扣 kick 埋一齊,效果又唔太好。

終於 終於我發現UltraSpire發佈左支新燈
係腰位射死光既 Waist Lamp,係 UTHK 前幾日我問代理借左支,差足電就上場去。

跑山前輩成日都話
未試過、未用熟既架生唔好場。So…to be honest呢支UltraSpire Lumen 600 我一開始打算係當後備軍既… 

點知人算不如天算,比賽未幾,雨就一直落一直落一直落…落到天黑就再落得更大。因為信左不可信既天文台 xyz#$@,是次比賽既我預備裝備就正正係…天黑 X 落雨 X visor X 四眼 X head lamp,呢個攪吾掂既組合(下稱XXXX)。

當天就快黑,跑到去城門水塘 cp 入pit 邊食飯邊換夜行裝時,係 race vest 內螢光色既Lumen 600向我揮手~~ 用我啦 用我啦 用我啦。

如是者我就快快手將呢支本來打後備既燈,掛左上腰間開工。而…如果一用就用足兩晚,成為左必然正選,仲 Friend 左幫佢改左個名 - 員外燈。因為呢支野講真係幾好用既。

首先,佢一拳解決左我上面講既XXXX問題,員外燈既光線係由腰間射出既
完全無野阻擋直射地面而角度可以任你調較既落山要睇腳前個幾級就轉近d靚路跑得既就轉高dd望遠dd一轉一較單手攪定。

員外燈備有三段火力600
231,24 流明同sos mode為左節省電力我未有用上 600流明既殺人模式 (真係好刺眼),全程都係用中段火力。有別於 head lamp 穿戴位置咁高,員外燈係腰為發特功231 流明既光源射落地夠用有餘。

同時由於光源係由腰位射出,個頭就唔駛成日dup 低望地,長時間比賽下對條頸同雙肩既負擔都細好多,整個視野同個跑步 form 都會靚仔d
即係節省更多力氣,上落山時呼吸亦暢順d。

係比賽第二晚天氣轉好左,但天光前八仙嶺上係十分大霧既,見手頭電池充足,我就順手試埋頭燈 x 員外燈呢個組合~ Amazing!! 頭燈集中大霧前方,員外燈對準脚前地面,好一招遠近交攻,再大霧既山路都唔駛拎頭照上照落 爽呀~

講下員外燈設計,簡單望就係防水燈加兩個袋既腰帶,咁同自已將支Head Lamp 放腰有何分別先? 嘿~ 你唔係以為我知道UltraSpire 個 Idea 後未試過山寨下麻為左解決上面個個XXXX問題,試過有晚放工,拎晒手上既頭燈一支支試穿係腰到試扮 waist lamp 問你驚未?

結果頭燈當腰燈呢個實驗…係唔 work 既。就算用上比較輕既黑鑽暴風雨,跑動時…特別是下山時
燈係腰位既擺動幅度實在太大啦。即係光源會彈上彈落…好暈呀~ 無計人地本身係 head lamp 專用架麻~

而員外燈我連續用左兩晚,效果係滿意到升做正選既既。吾係話佢完全無光源擺動既問題,你跑得快就點都會有多少彈燈情況。但係因為員外燈燈座好四平八穩,腰包設計包圍亦好,令佢既光源輸出表現穩定,同埋穿係腰到十幾個鐘都係舒服既。

繼續講下Spec官網話600 流明最大火力8小時,中段火力213流明13小時,可能係手頭上呢支借返黎既員外燈係 Test Lamp
我試過係唔得既。中段火力開近三小時半就會開始轉暗左dd,有恆流不穩既小問題。如有現貨既朋友不妨交流下實際電量情況。

另外員外燈本身係一個腰包
則面及後面其有兩個有彈性既袋可以放長距離作戰時必備既能量食物 or 電池。呢d細位可以睇出UltraSpire 係設計上既細心。

員外燈用既係 18650 充電既,防水蓋下設有充電micro usb 位,依~咁係咪可以放個尿袋係腰包袋仔一路充電
一路開燈玩無限復活呢?

嘿嘿 由於比賽時我係吾記得拎條線上山既,所以我早日先補試返

邊充電邊著燈? 答案: 係吾得既~

應該係充電安全機制充電紅燈一著就吾會開到燈不過如果你要決戰100miles 山上過兩個日夜既咁你就可以 day time 充電天黑點燈啦反正玩得咁長尿袋都要跟身充手機

已經好多字 無人睇架啦…嘿嘿~ 其實 我仲有 d 古怪野仲想用呢支員外燈試下 Stay tuned

UltraSpire Lumen 600
http://ultraspire.com/product/lumen600/#reviews