好！朝住目標進發 我要做美瑾・霍斯；我要做女神！
當然我唔係專家，只想分享一下我頭一年修身最有效既方法
雖然目前仲未做到美瑾，但起碼開始見到成效
以下既係小女子頭一年既修身程序 

1. 設定目標
好明顯我目標係女神果種健康性感既曲線，比較著種線條美
然後搵一張目標身形既相set up為電話wallpaper
冇錯！我就將女神張相好似鹹濕佬咁set左係自己電話到激勵；提示自己

2. 資料搜集
礙於自己比較宅；唔喜歡拋頭露面做運動 所以跑步絕對唔適合我
又礙於自己比較窮，所以join gym/course都咪攪我
我就係偉大既Youtube搵左幾款workout video係屋企做
首先你需要略略地睇一次考慮一下是唔是自己能力做到既
例如：地方足唔足夠比你活動；體能上負唔負荷到⋯⋯都好重要
以下是我自己一向做開既workout 超級適合住係蝸居又唔想做咁長時間既我
冇錯！每日只需要用30 mins就可以令你大汗疊細汗 全身都可以顧及到

3. 輔助
以我為例新陳代謝比較慢 所以排汗會比較難 (以前既我就算幾熱都唔會流汗)
但其實咁樣對身體是十分唔好 排汗亦等於排毒；燒脂 所以汗排唔出做幾多運動都白費
最近從某Youtuber介紹得知GNC Burn 60呢種救藥⋯⋯

4. 調整身理
由於自己身體內比較濕好難排汗；排毒 令到有時候肥腫難分
除左做運動外 亦都需要調理一下體內
感激阿盧係網上幫我搵左一種可以祛濕既糖水 好飲之餘又方便
每日飲一次感覺自己開始冇咁腫 亦都冇咁易攰

5. 節食
當然我唔主張絕食／只食水果；蔬菜去減肥
唔健康既減肥只會令自己瘦得唔靚 可能反而會有反效果
對我而言「食得是福」絕食是絕對mission impossible
所以我既方法就係早餐；午餐可以比較放寬自己，但晚餐就最好清淡／簡單
唔是要你斷絕所有朋友飯局，當然可以出席但要識取捨，明知晚餐豐富晏晝就唔好太大魚大肉
最重要要食得慢唔好餓狗搶屎撐大肚皮就可以
知道自己lose control時停一停 諗一諗 唔好令自己前工盡廢 再唔係就望一望電話wallpaper

減肥過程一定唔容易 但一定要健康地減 無謂要靚唔要命
我相信持之以恆終有一日可以做到美瑾・霍斯
星期一至五努力做運動 而星期六、日就可以放鬆下休息下
以上只屬個人分享 絕無推銷成份！