我的第一個荃打火115k賽事遊記 - UTMT環大帽山越野跑2016/17(二)

發表於2017/01/25
342次點閱
0人收藏
加入收藏


接(一)...


第二部份所打的四個細佬為四排石山、掌牛山、井坑山和蠔殼山。這四個山雖然唔係好高,但山路往往唔明顯,上上落落,成日都要爆林。如果未試過行的人仕,真的很容易會走多左路。山路所經過的風景非常美麗,行過的都想再行。我同師兄登上第一個細佬時就天光了。可以欣賞美景,實在開心。早上9點半到了蓬吉鄉。到了這檢查站後,撞倒我登山義工隊的山友和跑班的師姐做比賽義工,他們好好,很照顧我和一眾參賽者,我仲同佢地影相添。雖然我好攰,但見到他們,我很開心。原來個個都識邊個係水怪魯斯,但未必個個見過我真人,每位義工們都叫我加油,為我打氣,雖然我好攰,但得到佢地既鼓勵,我又充滿力量了!食完野,補給過後,又要上路了。太陽越來越猛烈,天氣也越來越熱,但比賽始終要繼續,我們只好堅持落去,蓬吉鄉後,就是比賽的第三部份,這部份就我之前所提及的打大佬,仲要係打四個大佬。包括:雞山嶺、大刀屻、四方山和草山。


 

第一個大佬,雞山嶺。係我最喜歡的山。上到頂後一望無際,風景如畫。不過如果大霧或落雨就乜都睇唔倒了,但如果天氣太好,陽光普照的話,上面乜樹都冇,可能會比較熱、會乾蒸。係上面上上落落,途中我被火車sir界我,佢係參加YTF 50k賽事,好快,佢係前面回頭同我講:唔好放棄,要完成呀!呢個卻成為我比賽既助右銘。三小時左右之後,終於落山。但同時給了我一個難忘及痛苦的經歷。由於雞山嶺落山路段差不多都係沙石路,會好跣。我係果度跣左我兩次,第一次好金,事後聽番諗住救我的師兄講我打左個後空番頭落地,幸好頭落地位置只係草地,問番師兄我頭頂冇流血,但我手手腳腳全部擦損,不過冇流血不止。企身繼續上路,唔夠5分鐘,跣第二次,今次乃普通跣低,pat pat落地。搞到我條心愛2XU壓力褲染滿沙泥。再企身繼續上路,我手腳既傷口開始被我的汗水混埋一齊,開始覺得好痛。當我落到去SCP6打石湖既時候,我快快的搵義工們為我清洗及處理傷口,搞搞下我係呢個站不知不覺坐左大半個鐘。其實當時我身上只得水,冇食物,冇運動飲品,傷口又痛,天氣又熱又曬,再加埋求先落雞公時跣親後腳踭開始痛,遠處見到有架76k巴士駛過,想剪帶係好正常既決定。正當我發呆之際,身邊的參賽者師兄問我:你要唔要保礦力?但我同佢講我想食野,佢諗都唔洗諗就拋左包朱古力餅俾我。果一刻,我好感動。我好感謝果位師兄,佢唔識我,我都唔識佢,但佢竟然好偉大地俾左包野我食,真係無言感激,我收起佢陣間上大刀屻時食。太陽越黎越猛,天氣卻越黎越熱,好彩濕度低,比較乾澡,基本上帶住太陽帽同副黑超都能應付,唔太辛苦。周身砂布膠布既我,一步一步由打石湖橋頭上大刀屻,速度慢得交關。心諗:既然求先有一個咁容易放棄剪帶既位我都冇放棄,都走左85公里啦,上得大刀屻就應該要堅持。呢條路初初全部石級,上左一陣有少少平路可以回氣,跟住又係石級,我一步一步咁上。幸好條上山路係“之”字形的,會冇咁斜,冇咁辛苦。上到一半後,我見到一位師姐同我一樣都係玩荃打火TTF,她同我一樣都係上緊大刀屻,我見佢塊號碼布上寫了廣東話拼音英文名同姓氏,我就覺得佢應該係香港人,所以我見佢坐在地上休息時,我會用廣東話同佢講:加油,叫佢唔好放棄,訓覺都要完成賽事後先返屋企訓,之類既說話。開始走入林,太陽都被樹木遮住,感覺冇咁曬同熱,我見到有很多參賽者師兄訓係地上熟睡了。好在我唔眼訓,只係身上D汗同手腳傷口混埋一齊比較痛,步速比之前明顯減慢了。但我仍然要堅持不放棄,繼續前進。到了大刀屻山頂,我又碰見剛才的師姐了。我同佢講左一大段說話,佢好似聽唔明,之後佢用國語回答我。原來佢係台灣人。剛才我講所有野原來佢係聽唔明的。嘥氣!我離開大刀屻頂時,佢還需要休息一下,我唯有同佢用國語講聲:加油啦!之後我獨自一人落山。不過迎頭有好多行山人士上山,他們都讓我地參賽者先行。之後到達嘉道理農場,我又可以見到我另外一批的支援朋友了。再續....

此區為網友的心得交流平台,以上內容不代表運動筆記立場

發言
還沒有人發言耶!快來當一樓!