識揀就揀跑男跑女?會唔會係太天真!

Monica Chan
發表於2018/07/03
6,570次點閱
2人收藏
加入收藏


跑步唔一定係好人!更加唔一定會因為跑步培養出好品格……清楚!我唔係「一竹篙打一船人 」!

曾幾何時,有人寫左D什麼識揀系列!讚到D跑男跑女上天……但事實係咪跑步跑山就係好?

跑步跑山極其量咪係一種較健康的嗜好,同電影、看書、唱K無乜分別;跑步亦唔係導人向善的宗教,更加唔係訓練完美男女的課程。

壞人一樣可以跑步,所以跑者頭上並沒有特別的光環。

跑手是好人,因為他本來就是一個好人,無論他跑步唔跑步。

有些專欄作家筆下的跑者、毅行者都幾乎被形容到近乎完美,什麼堅毅、專注、美麗、刻苦、為目標理想永不放棄,要幾 charming 有幾 charming,一等一的好人,是最嫁得過的男人\娶得過的女人。

例如蔡東豪說:「從女人角度看,男人落街跑步總好過去中山過夜打高爾夫球。我不是說跑步圈無靚女,但在跑步過程中產生對異性衝動的機會真的不大,因為體內血液有其他更重要的事要做......因為我跑步,我變成一個更好的人,特別是變成一個顧家的男人,因為所有儍事怪事,都在跑步時給我想通了。」

超人則說:「我最新發現,愛上跑步的男人,都是正人君子,都是女人值得交的男人,因為他們都不會是咸豬手.......」

信?你就死得啦……跑步跑山羣組,男女跑出婚外情屢聽不鮮!可以有幾專一,有幾道德!顧家?跑步跑左上另外一個家……美麗?叫埋你快D離婚,唔好阻 L 住佢地跑步呀!

跑步!幾時已經變成生活需要,婚姻守則!當初結婚,有無講明跑唔到要離婚?兩人婚姻登記當日……大家所見證嘅一對新人的愛,原來不及那相逢恨晚嘅跑友?

老友……我都係想發洩吓……我講左幾多次跑還跑要知輕重……跑步唔係男就係女㗎啦……佢地無一個叫跑步好男、跑步好女……也許,是你太年輕、你信!

發言
還沒有人發言耶!快來當一樓!