做極 Sit-up 同 Plank 條腰都係痛?

Denny Kam
發表於2018/03/01
3,128次點閱
0人收藏
加入收藏

甲:點解好努力做腹部運動,想幫條腰健康啲,都無咩感覺?
乙:可能因為你條頸借曬力!
甲:「下!條頸點會同個腹有關係啊?」
乙:你記唔記得,讀書時體育堂要做 sit-up,當個腹唔夠力個時,會點做?
甲:用條頸 chok 上去!

根據 Anatomy Train (解剖列車) 的概念,前頸的 SCM 肌肉同腹肌係連接的,一路落到足三里。

當人類發明左「坐」,一日坐8個鐘頭,腹部處於不利的狀態!(其實,坐凳,即係將自己的身體倒模成一張凳的90度直角形狀)

由於坐凳時,中心向前,頭往前傾,身體自然想用前頸的 SCM 肌肉,而唔想用折埋左的腹肌。

慢慢,身體開始用頸部 SCM 代償前腹肌,建立壞習慣!

當我們做 sit up 時,好自然會想用前頸向前 chok,幫手捲腹。

其實,已經有很多學者提出 sit-up 的壞處,美國的軍隊已經唔做sit up啦!

咁做 plank(平板運動)好唔好?其實都唔係最好,除非你係單車選手,上身需要長時間保持固定去發力!

當你做 plank,條頸係凌空定住,無support,好多時會不斷震動,甚至兩條 SCM 谷起左,好容易用了頸力!做完都唔知係條頸定係個腹用力多啲!

Deadbug (死蟲) 運動可能更好,因為做的時候係面向天,條頸如果太用力,你會覺得個頭想升起,自然可以自己調節翻,提醒自己唔好用頸借力! 

補充一點,世界上係無一個運動係最好或者一定有害,因為每個人的需要,身體的習慣,同埋最緊要,運動需要的肌肉控制都唔一樣。一個所謂的「危險動作」,如果訓練得好,有 motor control 同足夠的range of movement,反而可以令你比賽時減低受傷機會! (因為你比賽的時候係唔會完全唔做危險動作的,根本無時間思想自己的動作是否正確) 

不過,一般人而言,由簡單安全開始,deadbug 係一個好好的腹部練習,對下背的健康有好處! 


延伸閱讀

跑者專屬五分鐘核心訓練

20分鐘練習 給忙碌的你

一次打包7種最棒的腹肌訓練!