相信好多人都參加過毅行，但毅行並冇Solo，想試一試獨行全程麥徑究竟可以去到幾快，而且三星期後便要再次參加橫越台灣165K 項目的比賽，心想這是難得的預賽訓練，而且是逆走毅行路線，一定可以有得著，所以好早已決定不報Translantau100，而直接報 Rebel Walker.

這幾個月都是很懶試路及練習，只靠一個賽接著另一個賽，而之前練習Garmin 100時也慢慢打好了根基，起碼這次再沒有ITB痛、抽筋發生，只有少許筋膜炎痛，這一兩個月已經可以開始練回平路跑，好辛苦才上到5K內保持5分幾pacing。 再加上之前完成了50K超馬及成功劏大魚50+K，應該已足夠應付Rebel Walker.

看回我的第一幅圖，由CP1-7 之前 suppose都可以有機會做到20小時左右的時間，而由CP2-7 每CP還可以停留休息5-10分鐘，到了北潭坳胃口開始變差想瞓，因為已經是12:30am打後，之後一直夢遊到咸田灣，好彩阿平師兄衆人比左支Red Bull再加上休息了15分鐘，我先可以頂到無盡上落斜的M2，我用左足足超過4小時30分鐘由Cp8 到 CP9，真係痴左線，隨後CP9到 Finish line，吃了的咖啡因糖開始有效，所以急跑下用左1小時。
總結: 逆走與正走毅行的分別在於前段落斜路較長及多，好易因落太快而傷腳，所謂越快落就越墮落(講笑)，所以點解個個都可以快咁多時間，而聽了FB上各人的意見，大家都對麥二產生了上斜恐懼症，因為真係幾急斜再加食屎路又多，對那雙已弱弱不堪的腳會有些衝擊。

最後以大會時間23小時14分26秒完成！

感謝:
 1. 大會的義工 support及豐富食物，又有熱水熱湯
 2. 沿路同 #長跑網 support team 及跑友支持及影相
 3. Clara Fung and Esther Tsang 及其 support team 提供香甜薯薯
 4. Freddie Cheng 及 Anthea Tang 肯等我這位夢遊人，送粥及Red Bull.
 5. 最後多謝一班山友及跑友義工在終點幫忙影相及送紀念品 (好記、貓、天娜、仙蒂、啤啤、Tracy及 三苗)。
 6. 還要多謝自己，冇用棍，叻叻！

***還有Eric 及阿文在CP9用閃光燈嚇醒我，嚇到我CP9之後走快尐。