25年的毅行夢 - 究竟什麼是4個人,八條腿,一條心的“毅行精神”?

Patrick Law
發表於2017/11/24
2,396次點閱
0人收藏
加入收藏

N年前還未有GPS, Hoka鞋和UD水袋,拿著地圖指南針走遍新界就膽粗粗玩毅行。仗著年輕力壯,行過所有分段,背上了7 - 8磅行囊上路。25k ITB 爆了告別CP2後同自己講,24小時100k永不可能!


2014年無厘頭組了Wonder Eagles 奇鷹(耆英)隊辛苦地34小時完成。當然有興𡚒,大家都享受經歴,但仍未深深體會到“毅行精神”的道理。2015年換了2個年輕力壯的新手+超強鐵人+自己一支奇鷹,結果快了大把的15分鐘!自問體能提升不少,點解又冇乜進步?2016年鐵人和我又換了2個更年經力壯的+加強板訓練。結果2名隊友傷出,快左2小時。


2017年我在想究竟什麼是毅行?應否繼續參加?鐵人同我話,佢自己19小時完成冇問題,不過吾係毅行的意義。跟住遇到兩位女神,佢地以前好快20+完成,之後結婚生仔,好耐冇玩,好想渴望重溫一下。受到呢份感染,一向不跑步的我,每星期都去元朗大球場加操兩課。點知Totem 後其中一位女神抱恙退出,正在傍徨之際,一位奇鷹舊隊友忽然同我講,本來吾會再玩100,不過同你一起走完呢個24小時的夢就吾同。吾通佢地幾個就係毅行精神?重組後完成了兩次長課:5-8 5:20;2-4 8:20。信心大增,2017真的可以奇蹟出現?


11月17日BAML & Friends 0077懷著滿腔熱情09:30上路。風和日麗02:00到達CP2。火熱的太陽開始在牛耳石和雞公煎熬大家。平時20分衝頂腳程,我呢隻老鷹竟然在中途撞牆了。幸好鐵人墮後陪我食飯團回氣,4:20到達CP3。去年印度人隊友帶來肉躁飯加可樂,令我回復不少體力但不能降溫,大家眼神都充滿擔心。畢竟我是唯一“入五”隊員呀!


4:45出發攻馬鞍感覺良好,不過一落大金鐘開始老抽,大腿,ITB,腳板輪住抽,只好減速。感謝隊友對我的忍耐和信任,在茅坪過後開始回勇,連走長城,大老,獅子,筆架,10:20到達大埔道。Support team 有女神2號和15,16年隊友們,帶來窩心老火湯+青瓜壽司卷。佢地好細心幫我地換裝備,加保礦力,不停打氣,短短20分鐘好感動。此時奇鷹隊友好靜,完來已經嘔了兩次,不過佢仲體力澎拜,二話不說又重新上路。


過了城門開始打針草,除了鐵人冇乜事之外,女神和奇鷹比之前慢了好多,反而老鷹我行得好順,唔快唔慢01:35到CP7。轉頭一望4人到齊入閘食杯麵。我地好處系互相了解,鐵人最強,我最平均上山穏定,但知道落山平路其他兩人好快,CP前一定一起入閘。


大帽山呢段又好舒服行完,到頂後發現大家點解未到?最後都係信任隊友,開始慢跑下山。好快一如所料,奇鷹隊友疾走絕麈而過,點知佢已經嘔過幾次!中段鐵人追上,才知道女神腸胃不舒服,中間停了幾次,所以一直未追上。又係果句信任大家,CP8稍侯片刻,集齊女神一起04:00報到。Support team有充滿義氣的舊同學,佢地幾年來一直有支援,忍不住說句終於你們今年天未光到了!吃過通粉,換了裝備,04:40心情難免興𡚒起來。五個鐘點會走唔完呢?


如是者大家火速急行,天亮時到CP9,走了6k水塘,上埋大棠山,開始jog。當大家回魂時,我竟然大反胃,跑不動,於是我叫大家終點等我。我只能急行,越想跑,越想嘔!一直行、跑、反胃、行到最後200米,聴見佢地不停喊我大名快D快D!咁我就遵命快D囉,手拉手大喊著在11月18日08:46用了23小時16分完成衝缐,打倒了25年前我的十萬個不可能!最後support team Chris 哥帶了大砲,影完立即wifi上網。我望了一眼,會心微笑,突然領悟到4個人,八條腿,一條心的毅行精神原來系咁樣樣!


不知道大家看了這張照片有沒有同感呢?


延伸閱讀

【樂施毅行者2017】最神奇的毅行者

甚麼是毅行者?

發言
還沒有人發言耶!快來當一樓!