【One Small Step】別再給人看扁你無法堅持

發表於2017/07/10
6,609次點閱
0人收藏
加入收藏

世上最難的事,叫做堅持。


跑1.6K難不難?當然唔難!但堅持超過52年,每日至少跑1.6K,這就是成就。做到這件事的人,叫Ron Hill,就係運動品牌RONHILL的創辦人。


可能成長環境關係,好多事情我都會自律、會堅持。但當中一定會有另一把聲音叫你放棄、偷下懶。我會用一些小技巧,令自己繼續努力同堅持,好似好執著、好強迫,但要成果,就只能這樣。

(圖片來源:Stephanie Kwan)


堅持跑步,健康飲食、甚至變成習慣,對普通都市人都十分困難。繁忙生活、工作家庭壓力、天氣、身體反應都會成為「不動」嘅藉口。不妨試試以下方法去令自己堅持下去:


如果你喜歡獎勵:

1)看見你的進度

我係一個「數」人,習慣記下每次練習的數據同感受。見到自己每日累積多左里數、速度快左、耐力增加了,就會莫名奇妙的興奮,推動自己繼續努力。


減肥也一樣,過程相當痛苦同漫長。但想靚一定要付出,亦要想辦法「鼓勵」自己。以著Bra Top、三點式為目標,由減肥第一天,每日為自己拍照,特別係肚腩。當然呢D相只會收埋俾自己睇,目的係令成果看得見,肥左亦可以警戒自己。

(圖片來源:Stephanie Kwan)


近來開始學瑜珈,老師每堂也同我地影相,目的不在於呃like,而係想學員記錄每堂姿勢,看到自己進展。

(圖片來源:Stephanie Kwan)


2)做個「裝備控」

睇多D靚裝備,投資一些好嘅跑步裝備,好多時一件新的跑步裝備會讓我興奮好幾天,急不及待要去用下佢,樂在其中。

(圖片來源:Stephanie Kwan)


3)計劃跑步路線

「跑步一定要有海!」但我就話「跑步一定要有景」,欣賞風景就係我跑的其中一個樂趣。我每星期長課也會跑青山公路,縱使起初幾公里比較悶同痛苦,但我知道過左就有好風景,無論日曬雨淋,都靠這信念去堅持。


另一個方法就係計劃跑去邊度食野,跑去荃灣食泰菜?定去元朗大榮華?抑或深井燒鵝?間中「跑10K食全馬」都成為堅持跑步的理由。

(圖片來源:Stephanie Kwan)


如果你需要鞭策 :

1)Follow Follow Follow

記得當初開好跑步,我立即在fb、instagram 追蹤左好多運動谷、運動達人。每日都會看到佢地D練習、美好的身型,也就等於提醒我要堅持努力。我的意志全靠 karlie kloss、林可彤、王麗雅等 IG 女神!

(圖片來源:Stephanie Kwan)


2)大肆宣揚

報下比賽、post下號碼布、公開自己要跑什麼成績、或者要減幾多磅,一方面迫自己「唔衰得」,也可以叫家人同朋友提醒你。

(圖片來源:Stephanie Kwan)


3)勿忘初衷

「你當初目標是什麼?」每當我想偷懶時,我都會這樣反問自己。坦白講,減肥、練跑都係「自己攞嚟」冇人迫你,既然自己想有成果,開始左就要堅持,否則當初又點解要開始?想靚、想健康,一定要飲食同運動雙管齊下;想跑不同的海外馬拉松,平日唔練習又點會完成、又或者有力去欣賞沿途風景?


心態決定境界,任何事情也一樣,只要堅持「跑下去」,你會走到意想不到的境界。

(圖片來源:Stephanie Kwan)


延伸閱讀

因跑步而常用的Apps

從跑步,學做人

我和女神有個約會