【One Small Step】從跑步,學做人

發表於2017/05/23
9,331次點閱
1人收藏
加入收藏

「跑步就像一個老師、一個人生教練。」我曾經在一個訪問中這樣說過。


今日突然想起友人同我講過的、書本上看到的,以及一些facebook posts,想總結一下,當做提醒自己要「感恩」,也希望鼓勵到其他人。


1. 永不太遲

「最心痛是,愛得太遲......」長跑卻未必係咁。年青時怕悶、冇耐性,只愛打波、打拳,貪佢夠刺激同多變化。大個咗反而懂得珍惜獨處,亦較有耐性。呢啲轉變有利長跑,例如配速、飲食控制。記得第一天上跑班2400米測試,同我拍住衝的就係一位伯伯,第一次令我覺得呢項運動好能夠包容,我仲有好多機會。

(圖片來源:Stephanie Kwan)


2. 有起有跌

要學習接受失敗同不完美。今日跑得慢,不代表明天也會。只能夠接受同檢討,了解原因。雖然話「跑自己就好」,但到表現不如人時,又好難沒有感覺,所以長跑也鍛練自己情緒管理。特別在表現欠佳時,鬧脾氣只會令自己心跳加速、呼吸混亂,結果表現更差。 記住:「起時切勿得意忘形,跌時也不要太過憂悲。」

(圖片來源:Stephanie Kwan)


3. 人生個人賽

好多人都會話「teamwork好重要」,但其實好多野真係要靠自己。有教練、有program,跟幾多出幾多力係自己決定同承受。去到比賽,最後都係靠自己走到終點。無論中間遇到什麼狀況,也要面對同解決。跑步如人生,縱使有人再旁鼓勵同支持,去到幾遠、走得幾快,到頭來都係靠自己的身體同信念。

(圖片來源:Stephanie Kwan)


4. 受傷過後

傷患係好普遍。唔只運動,正如愛情、人際關係,你不能控制其他人唔傷害你。但決定一成不變,繼續受傷,定係從過去中學習、蛻變、成長,呢啲你係可以選擇的。

(圖片來源:Stephanie Kwan)


其實每一樣野,只要你深入體會,都有佢既哲學。跑步同做人,要得到美滿成果,都需要我地長時間領悟同探索,希望大家一齊加油。


Stay hungry Stay foolish

不斷探索更多不可能

(圖片來源:Stephanie Kwan)


延伸閱讀

我和女神有個約會

Run in style 跑出不一樣的武漢馬

跑在櫻木花道上 - 新社櫻花馬拉松2017