【One Small Step】我和女神有個約會

Stephanie Kwan
發表於2017/04/29
2,692次點閱
0人收藏
加入收藏

一、靖哥來了,蝦嫂捧場了

之前曾經出過一個post提及與跑步有關嘅書籍,最多女跑友提及嘅係歐陽靖嘅跑步書。「連我都能跑,妳也一定可以!」影響咗好多女生,包括我。今次去台北參加女子半馬之餘,亦順道參加靖哥的嘅分享會。


(圖片來源:Stephanie Kwan)


平時在instagram見到靖哥嘅相都係超型同cool cool地,記得第一次見到佢真人感覺也是一樣。今次分享會主要圍繞靖哥嘅跑步旅程,有看過佢本書大概也知道佢成長背景,媽媽係著名藝人,父母愛動物,甚至收養數百隻流浪狗/動物,佢用左差不多1個小時分享兒時回憶。


其實佢好可愛,提到屋企人同動物會好興奮;但也有陰暗一面,被父母忽略,亦因為收養過多動物而令家境變得貧困。父親亦在十多歳時離開,在學校被同學排擠,加上先天腳有問題,令到佢少運動,亦因為身型而被恥笑。


種種因素造成傷害,佢得到了厭食症,之後又有抑鬱症,長達6年。見到佢D相,聽到呢度已經眼濕濕,因為見到現在嘅佢很不一様。為左媽媽要堅強起來,積極去尋求治療重新站起來。


機緣巧合下認識了跑步,亦因為愛貓離世嘅衝擊,要自己堅強,1K都冇跑過嘅佢竟然定下跑馬拉松目標。言談間感同身受,自己也愛動物,也曾經失去過⋯⋯


(圖片來源:Stephanie Kwan)


接下來就係分享佢旅跑經歷,跑步不僅令佢堅強,人生更有活力同目標,也擴闊了生活圏子,開拓了見地。佢越講越興奮,完全感受到對跑步嘅熱誠,那種「中咗毒」嘅症狀,亦感受到佢人生充滿活力同目標。


(圖片來源:Stephanie Kwan)


在分享會一開始,佢講過跑步好似宗教(雖然我不太認同),佢就係傳教,希望感染到其他人去做,確實係佢做到了。坊間好多跑步書籍多是工具性質,除速度以外,其實可以更廣闊,或者可以幫到好多人,改變好多人。


起初喜歡靖哥,因為覺得佢好型好有魅力。經過今次嘅「約會」,更覺得真實,一個好熱血同真心愛跑步的女仔,並唔係包裝出來。


(圖片來源:Stephanie Kwan)


二、女子半馬、晨跑大安

今次到台北目的為參加女子半馬,整體安排十分好,賽前賽後也有很多活動同紀念品,賽道十分平坦,後半部圍著河濱公園走,環境一流,補給亦十分充足,更有waffle、生果、餅乾。今年完成牌亦很特別,近近地快閃台北兩、三日就可以。大家可以考慮一下!


(圖片來源:Stephanie Kwan)


另外去台北旅遊也可順道去大安森林公園跑下,再去森林跑站食下野、休息一下。園內有好多樹同竹林,空氣一流,去跑下影下相都好正。可以搭捷運到大安公園站,或者從忠孝新生站跑去,約一公里,一條直路。


(圖片來源:Stephanie Kwan)


附:歐陽靖的跑步書

(圖片來源:Stephanie Kwan)


延伸閱讀

Run in style 跑出不一樣的武漢馬

跑在櫻木花道上 - 新社櫻花馬拉松2017

「初級者」的渣馬

發言
還沒有人發言耶!快來當一樓!